Realak jipoia jaso du Sanchez Pizjuanen
Realak porrot gogorra jaso du Sevillaren aurka (5-2) Sanchez Pizjuanen, Andaluziako taldea txuri-urdinen aurkari zuzena baitzen Europarako postuetan sartzeko lehian.
Sevilla erasokor zelairatu da. Reala, aldiz, atzean sendo egoteko helburuarekin, aurkariaren zain. Ben Yedderrek arriskua eraman du txuri-urdinen atera, baina Realak ez du gehiegi sufritu. Hala ere, Sevillaren ekinak saria jaso du 25. minutuan Sarabiak buruz sartu duen golaren bitartez (1-0).
Maldan gora jarri zaio neurketa Realari, baina Imanol Alguacilek zuzentzen duen taldeak azkar erreakzionatu du, eta neurketa berdindu du hiru minutu beranduago, Oyarzabalek sartutako golari esker (1-1).
Lehen zatia amaitu orduko, Donostiako taldeak aldaketa egin behar izan du, Zaldua lesionatu egin baita. Imanol Alguacil entrenatzaileak Aritz Elustondo zelairatu du haren ordez.
Bigarren zatiari ere bizi ekin dio Sevillak. Raul Navasek gola eragotzi du atepetik baloia aterata, Rullik erantzun bikaina eman dio Mercadoren jaurtiketari, baina hirugarren abagunean, Ben Yedderrek 2-1ekoa sartu du.
Merezita lortu du Sevillak bigarren gola sartzea, eta erasora jotzen jarraitu du. Reala ezinean ibili da, eta etxeko taldeak 3-1ekoa sartu du 58. minutuan; Munir El Haddadiren erremateak langa jo du, zalantza egon da baloia Rulliren atean sartu den ala ez, baina Ben Yederrek sare barruan sartu du (3-1), zalantza guztiak bertan behera utzita. Gainera, ia jarraian, Sevillak 4-1ekoa sartu du. Ben Yedder izan da golegilea, hat-tricka lortuta.
Reala lur jota geratu da bigarren zatiaren hasieran, eta aurkaria gainetik pasa zaio. Dena txarto atera zaio talde txuri-urdinari, eta, Oyarzabalek bere atean sartu du gola (5-1), 69. minutuan.
Jada erabakita egon da partida. Reala saiatu da emaitza txukuntzen, eta Oyarzabalek penaltiz sartu du 5-2koa, 77. minutuan. Amaierako minutuetan, Sevillak beste golen bat sartzeko aukera izan du, baina 5-2ko emaitzarekin amaitu da neurketa.
Fitxa teknikoa:
5 - Sevilla: Juan Soriano; Jesus Navas, Mercado, Carriço, Sergi Gomez, Promes; Sarabia, Ever Banega (Bryan, 75. min), Roque Mesa; Munir (Andre Silva, 71. min) eta Ben Yedder (Gonalons, 73. min).
2 - Reala: Rulli; Zaldua (Aritz Elustondo, 31. min), Moreno, Raul Navas, Theo; Zubeldia, Ruben Pardo (Zurutuza, 56. min), Merino, Oyarzabal; Juanmi (Januzaj, 70. min) eta Sandro.
Golak: 1-0, 25. min: Sarabia. 1-1, 28. min: Oyarzabal. 2-1, 48. min: Ben Yedder. 3-1, 58. min: Ben Yedder. 4-1, 61. min: Ben Yedder. 5-1, 69. min: Oyarzabal, bere atean. 5-2, 77. min: Oyarzabal, penaltiz.
Epailea: Ignacio Iglesias Villanueva. Txartel hriak atera dizkie Zubeldia (31. min) eta Raul Navas (43. min) Realeko jokalariei, baita Munir (47. min) eta Carriço (81. min) Sevillako futbolariei.
Zure interesekoa izan daiteke
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.