Estutu arren, Realak ez du Valladolid mendean hartzea lortu
Realak gehiago merezi izan du, baina Valladolidek bere alderik onena erakutsi du eta txuri-urdinen hutsegiteez baliatu da Anoetan jokatutako 15. jardunaldiko neurketan garaipena eskuratzeko.
Etxeko zaleek itxaropen handiarekin egin diote aurre partidari, Realak azken bi neurketetan erakutsitako maila onak ilusioa piztu baitu; Valladolidek, gainera, zalantzak eragin ditu azken hitzorduetako emaitza txarren ostean.
Valladolideko taldeak, ordea, inor gutxik espero zuen jokoa egin du, eta nagusitasunez gailendu da eta hasieratik sortu ditu aukerak. Ondorioz, lehen ordu laurdena igaro baino ez, Toni Villak aurreneko gola egin du.
Aurrelari murtziarra Illarramendiren hutsegiteaz baliatu da, eta, baloia eskuratu ondoren, Moyaren atea zulatu du, erremate gogorra eginez.
Realak ez du batere maila ona eman lehen zatian, eta Garitanok Sandro beroketa lanetan jarri du, Juanmiren ordez zelairatzeko asmoarekin.
Atsedenaldiaren ostean, Valladolidek bigarren gola egin du 57. minutuan, Antoñitoren eskutik. Gol erabakigarria izan da, partida eskuratzeko.
Hala ere, Realak ez du amore eman, eta txuri-urdinei arnasa eman dien gola egin du Oyarzabalek 63. minutuan. Partida amaiera zirraragarria zuten aurretik.
Valladolidek hirugarrena egiteko aukerak izan ditu, eta gipuzkoarrek ere gogor estutu dute, batez ere Jon Bautistak, baina ez dute ate aurrean asmatu.
Fitxa teknikoa:
1 - Reala: Moya; Zaldua, Moreno, Le Normand, Theo (Jon Bautista, 63. min); Illarramendi, Merino (Ruben Pardo, 70. min); Januzaj, Willian Jose, Oyarzabal eta Juanmi (Sandro, 46. min).
2 - Valladolid: Masip; Nacho, Calero, Kiko, Antoñito; Míchel (Anuar, 89. min), Ruben Alcaraz, Toni Villa (Borja, 73. min), Keko; Enes Unal (Cop, 78. min) eta Plano.
Golak: 0-1, 16. min, Toni Villa. 0-2, 52. min, Antoñito. 1-2, 61. min, Oyarzabal.
Epailea: Iglesias Villanueva.
Zure interesekoa izan daiteke
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da abagune onenak sortu baititu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.