Realak erakustaldia eman du Gironaren aurka
Realak 5-0 irabazi dio Gironari Anoetan. Erakustaldia eman du talde txuri-urdinak, aurkariak baino askoz hobeto jokatu du, eta merezitako garaipena eskuratu du. Imanol Alguacil entrenatzaileak lehen partida zuzendu du Anoetan, eta zaleak oso pozik utzi ditu.
Erasokor ekin dio neurketari Realak, eta hasieratik jakinarazi dio Gironari hiru puntuak nahi zituela. Adnan Januzajek eman du abisua lehen minutuan, eta Canalesek 1-0ekoa sartu du 11.ean. Golak min egin dio aurkariari, eta Realak baloiaren jabe izaten jarraitu du. Girona ezinean ibili da. Pablo Machinek zuzentzen duen taldea saiatu da abaguneak sortzen, baina Reala sendo ibili da defentsako lanean. Neurketako 35. minutuan, bigarren gola sartu du Realak; Ruben Pardok pase bikaina eman dio Januzaji, eta honek egin du 2-0ekoa. Dena ondo joan da Realarentzat lehen zatian, baina 44. minutuan Moya atezainak min hartu du eta zelaia utzi behar izan du lesionatuta. Toño Ramirezek ordezkatu du atsedenaldia iritsi baino lehen.
Gironak aldeak murrizteko helburuarekin ekin dio bigarren zatiari, eta Realak lan egin behar izan du defentsan. Gironak 60. minutuan izan du gola sartzeko abagune argia, baina Stuanik ez du asmatu Toño Ramirez atezainaren aurrean bakarrik geratu denean. Ondoren, epaileak baliorik gabe utzi du Willian Josek sartutako gola, jokoz kanpo egon delako. Realak kontrolpean izan du partida, eta lehia erabakita utzi du 71. minutuan Oyarzabalen bitartez markagailuan 3-0ekoa jarrita. Neurketa erabakita zegoen, baina Realak festa biribildu du 85. minutuan Oyarzabalek sartu duen golarekin (4-0) eta 88. minutuan Juanmik sartu duen 5-0ekoarekin.
Fitxa teknikoa:
5.- Reala: Moya (Toño Ramirez, 44. min); Elustondo, Navas, Hector, Kevin; Zubeldia, Ruben Pardo (Zurutuza, 64. min), Canales; Oyarzabal, Januzaj (Juanmi, 78. min) eta Willian Jose.
0.- Girona: Bounou; Juanpe, Bernardo, Ramalho; Mojica, Granell, Pere Pons (Aleix Garcia, 68. min), Maffeo ( Aday Benitez, 68. min); Portu (Soni, 77. min), Borja Garcia, eta Stuani.
Golak: 1-0, 11. min: Canales. 2-0, 35. min: Januzaj. 3-0, 71. min: Oyarzabal. 4-0, 85. min: Oyarzabal. 5-0, 88. min: Juanmi.
Epailea: Munuera Montero.
Zure interesekoa izan daiteke
Puntu banaketa Anoetan jokatutako derbi eroan (3-3)
Alavesek berdinketa agonikoa lortu du Realaren aurka (3-3), 97. minutuan sartutako golari esker. Alternatibaz betetako partida frenetiko batean, talde babazorroak azken jokaldian berdindu du markagailua, puntu bat irabazteko.
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.