Berdinketa garratza lortu du Realak Deportivoren aurka
Realak bana (1-1) berdindu du Deportivoren aurka Anoetan eta BBVA Ligako bigarren itzuliari puntu bat eskuratuta ekin dio. Txuri-urdinak aurkaria baino gehiago izan dira, Deportivok baino hobeto jokatu dute, baina ezin bere zaleen aurrean garaipena lortu.
Lehen zatian jaun eta jabe izan dira txuri-urdinak eta hainbat abagune sortu dituzte. Bigarren minutuan Velak pase bikaina eman dio Jonathasi eta bere errematea Lux atezainak desbideratu du oinarekin. Hamar minutu beranduago, Deportivoren erantzuna etorri da, baina Rullik erantzun ona eman dio Lucas Perezen erremateari, kornerrera desbideratuz. Jarraian, Ruben Pardok jaurtiketa ona atera eta Luxek Realaren gola eragotzi du, erantzun bikaina emanda. Reala izan da baloiaren jabe, nahiz eta 15. minututik aurrera txuri-urdinek ez duten abagune argirik sortu. Deportivo ezinean ibili da, baina 29. minutuan, Realaren defentsak kale egin du, Galiziako taldeak baloia berreskuratu, Lucas Perezek pase ona eman dio Luis Albertori eta honek ez du barkatu Rulliren aurrean (0-1).
Gola jaso ostean, Eusebio Sacristanek zuzentzen duen taldeak erasora jo du. Lehen zatiaren azken txanpan hiru abagune on izan ditu Realak eta Lux atezaina izan da protagonista hiruretan. Lehenengo Brumaren erremateari erantzun bikaina eman dio, ondoren, Velaren jaurtiketa gurutzatu bat desbideratu du, eta 43. minutuan Pardoren jaurtiketaren aurrean gelditu ezin hobea egin du.
Bigarren zatiari ere erasokor ekin dio Realak, baina lehen abagunea Deportivok izan du. Galiziarren golean eman den jokaldi bera eman da 56. minutuan: Realak baloia galdu du defentsan, Lucas Perezek berreskuratu eta oraingoan, Luis Albertok ez du gola sartu Rullik eragotzi baitu. Une horretatik aurrera, abagune guztiak talde txuri-urdinarenak izan dira. 70. minutuan, epaileak Realaren gola baliorik gabe utzi du Iñigo Martinezen jokoz kanpoko posizioagatik. Jokalari txuri-urdina posizio onean egon da, baina epaileak ez du asmatu.
Norgehiagoka azken txanpan sartu da, eta Realak markagailua aurka eduki du. Horrela, 73. minutuan, epaileak gipuzkoarren aldeko penaltia adierazi du Jonasek Xabi Prietori egindako faltagatik. Xabi Prietok berak jaurti du penaltia eta ez du huts egin (1-1). Golak indarra eman dio Realari azken txanpan eta partida irabazteko aukerak izan ditu talde txuri-urdinak. 77. minutuan Iñigo Martinezek pase bikaina eman dio Xabi Prietori, kapitainak kontrola egin du, baina Lux atezaina aurreratu zaio errematea egitea galaraziz. Azken minutuetan, Oiarzabalek area kanpotik jaurtiketa indartsua atera eta baloia kanpora joan da, langa jo ostean. Amaieran, puntu banaketa Anoetan.
Fitxa teknikoa:
1.- Reala: Rulli; Carlos Martinez, Elustondo, Iñigo Martínez, Yuri (Hector, 75. min); Markel, Xabi Prieto (Oiarzabal, 87. min), Pardo (Illarra, 62. min); Bruma, Vela eta Jonathas.
1.- Deportivo: Lux; Laure, Lopo, Sidnei, Navarro; Luis Alberto (Faycal, 82. min), Bergantiños, Mosquera; Juanfran, Luisinho (Jonas, 71. min), Lucas Perez.
Golak: 0-1, 26. min: Luis Alberto. 1-1, 74. min: Xabi Prieto, penaltiz.
Epailea: Martínez Munuera.
rtínez Munuera.Zure interesekoa izan daiteke
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.