Berdinketa mingarria Realarentzat, Levanteren aurka (1-1)
Realak etxetik kanpo irabazi ezinik jarraitzen du. Ciutat de Valencia ez zen bolada txarra eteteko lekurik aproposena, Levanteren aurka ere emaitza txarrak lortu izan dituztelako. Gaurkoan ezberdina izango zela zirudien, 90. minutuan 0 eta 1 baitziren aurretik txuri-urdinak. Baina luzapenean gauzak okertu egin dira.
Lehen zati oso kaskarra jokatu dute bi taldeek, eta, ondorioz, ez da gol aukera garbi bakar bat ere izan.
Moyesek, bajek behartuta, ondorengo hamaikakoa atera du: Rulli, C.Martínez, Bergara, Iñigo, Finnbogason, Granero, Prieto, Ansotegi, Canales, DelaBella, eta Hervias.
Talde txuri-urdina motel aritu da, sakontasunik gabe eta sortu duen arrisku apurra falta eta korner jaurtiketetan izan da.
Levantek are gutxiago egin du. Atzeko lerroa zaintzeko asmoz atera dira zelaira, eta Rulliri ez diote buruko minik eman. Argentinarrak debuta egin du Ligan Realarekin.
Atsedenaldiaren ostean iritsi da Realaren gola, Canalesek egin du, area barrutik egindako jaurtiketa indartsuari esker
Golak Levante piztu du. Momentu horretara arte ezer gutxi egin du etxeko taldeak, baina Realaren golaren ostean aukera argiak izan dituzte, argiena Barralek langara bidalitako baloia, 61. minutuan.
Penaltia eta berdinketa
Eta donostiarrek hiru puntuak poltsikoan zituztenean, penaltia adierazi du epaileak, Carlos Martinezek baloia eskuarekin ukitu duelako area barruan. Ivanschitzek egin du gola.
Azkenean, bana, zapore garratza duen berdinketa Realarentzat.
Fitxa teknikoa:
1 - Levante: Mariño, Iván López, Vyntra, David Navarro, Nikos (Rubén, 75. min), Simao (Sissoko, 55. min), Diop, Morales, Víctor Casadesús, Ivanschitz eta Barral (Rafael Martins, 67. min).
1- Reala: Rulli, Carlos Martínez, Ansotegi, Íñígo Martínez, De la Bella, Markel Bergara, Granero, Xabi Prieto, Canales (Yuri, 90. min), Hervías (Pardo, 65. min) eta Finnbogason (Iker, 80. min).
Golak: 0-1, 48. min: Canales. 1-1, 93. min: Ivanschitz, penaltiz.
hitz, penaltiz.Zure interesekoa izan daiteke
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.