Europa gehiago urrundu zaio Realari (0-0)
Donostiako taldeak aurreneko puntua eskuratu du Txapeldunen Ligan, Manchester Uniteden kontra (0-0). David Moyesen taldeak norgehiagoka sendoa jokatu du Anoetan, eta txuri-urdinek ezin izan dute garaipena lortu. Van Persiek penalti bat huts egin du bigarren zatian, eta Realak ez du erantzunik emateko abagune argirik eduki.
Manchester Unitedek lehenengo minutuetatik agindu du berdegunean, eta Realak ezin izan du erasoan erantzunik eman. David Moyesen gizonak txuri-urdinak baino gehiago izan dira, eta Donostiako taldeak ezin izan du arriskurik eraman David De Gearen area ingurura. Kagawak bi abagune argi izan ditu, baina bere saiakerak kanpora joan dira.
Pardok, Zurutuzak eta Bergarak ezin izan dute erdialdea kontrolatu, eta Rooneyk ederki gidatu du Manchester Uniteden erasoa. Ingalaterrako aurrelariak erakustaldia eman du jokoa antolatzen, baina Realeko defentsak oso sendo egon dira. 37. minutuan, 'Chicharito' Hernandezek abagune ona izan du, baina Iñigo Martinezek ederki moztu du jokaldia, baloia kornerrera bidalita. Atsedenaldia heldu aurretik, Alberto De la Bellak txuri-urdinen gola lortzeko aukera izan du, baina kataluniarraren jaurtiketa gurutzatua kanpora joan da.
Ingalaterrako taldeak markagailuan aurrea hartzeko abagune argia izan du, bigarren zatiko lehenengo minutuetan, baina 'Chicharito' Hernandezek hutsegite handia egin du. Mexikarra bakarrik geratu da atearen aurrean, baina jaurtiketa langa gainetik kanpora joan zaio. Van Persie Rooneyren ordez sartu da, eta holandarrak norgehiagoka erabat aldatu du. 64. minutuan, zutoinera bidali du baloia, eta epaileak Manchester Uniteden aldeko penaltia adierazi du hurrengo jokaldian. Hala ere, Van Persiek zutoinera jaurti du, berriz ere, eta Realak bizirik jarraitu du.
Jagoba Arrasateren gizonak erasoan asmatu ezinik egon dira. 'Deabru gorriek' sakatzen jarraitu dute Anoetan, eta Realak defentsan sufritzen. Valenciak jaurtiketa gogorra egin du, 79. minutuan, eta Mikel Gonzalezek baloia langa azpitik atera du. 90. minutuan, Fellainik bigarren txartel horia ikusi du, eta Manchester Unitedek hamar jokalarirekin bukatu du partida. Gipuzkoako taldeak ezin izan du azkenengo minutuetan miraririk lortu, eta neurketa 0-0ekoarekin bukatu da.
- Fitxa teknikoa:
0.- Reala: Bravo; Carlos Martínez, Iñigo Martinez, González, De la Bella; Bergara, Zurutuza, Pardo (Xabi Prieto, 71. minutuan); Griezmann (Seferovic, 79. minutuan), Vela eta Agirretxe (Chory Castro, 62. minutuan).
0.- Manchester United: De Gea; Smalling, Ferdinand, Vidic, Evra; Valencia, Fellaini, Giggs, Kagawa (Jones, 89. minutuan); 'Chicharito' Hernandez (Young, 62. minutuan) eta Rooney (Van Persie, 62. minutuan).
Zure interesekoa izan daiteke
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.