Realak erakustaldia eman du, Lyonen (0-2)
Realak ederki bideratuta utzi du Txapeldunen Ligako atariko kanporaketa, Olimpique Lyonen aurka 0-2 irabazi ondoren. Griezmannek eta Seferovicek egin dituzte txuri-urdinen golak, eta Lyonen lortutako 0-2koa Anoetan defendatuko dute, abuztuaren 28an.
Gipuzkoako taldeak oso ausart jokatu du erasoan, norgehiagokako aurreneko minutuetan, eta Velak, Seferovicek eta Griezmannek hirukote arriskutsua osatu dute. Mexikoko jokalariak lehenengo saiakera egin du, baina baloia kanpora joan da. Greniezek erantzuna eman nahi izan du, baina Olimpique Lyon taldeko jokalariaren jaurtiketa langa gainetik kanpora joan da. Carlos Velak abagune polita izan du, 11. minutuan, eta baloia zutoinera joan da.
Antoine Griezmannen gol ikusgarria 17. minutuan heldu da. Velak erdiraketa ederra jarri du, ezker hegaletik, eta frantziarrak baloia sareetara bidali du, txilena ikusgarri batekin (0-1). Garderen gizonek erantzun nahi izan dute, Realaren golaren ostean, baina txuri-urdinek ondo eutsi dutek, eta Claudio Bravok ez du ia arazorik izan. Atsedenaldian Jagoba Arrasateren taldeak 0-1 agintzen zuen markagailuan.
Bigarren zatiko hamargarren minutuan Realak bigarren gola lortu du. Haris Seferovicek areaz kanpotik jaurti du, eta Lopes atezaina gainetik gainditu du (0-2). Bigarren golaren ostean, Olimpique Lyonek kontraerasoa etengabe bilatu du, eta Jagoba Arrasateren gizonek atzerapausoa eman dute.
Gonalonsek gola eskuratzeko abagune aparta izan du, baina bere errematea langara joan da, 65. minutuan. Granerok debuta egin du elastiko txuri-urdinarekin, eta jarraian, Bisevacek bigarren txartel horia ikusi du. Remy Garderen taldea hamar jokalarirekin gelditu da, eta Realak erraz kontrolatu du partida. Azkenengo minutuetan hirugarren gola lortzeko abaguneak izan ditu, baina azkenean, emaitza 0-2koa izan da.
Fitxa teknikoa:
0 - Olimpique Lyon: A. Lopes; Miguel Lopes, Bisevac, Fofana, Bedimo, Gonalons, Malbranque (Bahlouli, 57. minutuan), Grenier, Benzia (Danic, 57. minutuan), Gourcuff; eta Lacazette.
2 - Reala: Bravo; Carlos Martinez, Iñigo Martinez, Cadamuro, De la Bella; Bergara, Zurutuza (Ruben Pardo, 80. minutuan), Xabi Prieto; Vela, Seferovic (Granero, 62. minutuan) eta Griezmann (Chory Castro, 69. minutuan).
Golak: 0-1, 17. minutuan: Griezmann. 1-1, 50. minutuan: Seferovic.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.