Braulio Vazquezek 2022ra arte berritu du Osasunako kirol zuzendari gisa
Osasunak igande honetan jakinarazi duenez, Braulio Vazquezek beste denboraldi bat egingo du talde gorritxoko kirol zuzendari karguan, 2022ko ekainaren 30era arte, hain zuzen ere.
Gainera, Jose Antonio Prieto 'Cata'k ere beste denboraldi batez jarraituko du klubeko idazkaritza teknikoaren buru izaten.
Luis Sabalza Osasuna taldeko presidentea oso pozik agertu da akordioarekin. "Konfiantza osoa dugu gauden tokira eraman gaituen kirol proiektuan; uste dut ez dagoela une hoberik hori frogatzeko, orain bizi dugun egoeran baino, agian ez baikaude horretara ohituta", azaldu du klubeko arduradun nagusiak.
"Zuzendaritza Batzordeak eta nik neuk argi daukagu. Inoiz baino batuago egoteko unea da, familia baten gisara; Jagobak hainbestetan esaten duenez, horrek ekarri baikaitu honaino, eta ziur nago aurrera egingo dugula", gaineratu du.
Braulio Vazquez (Pontevedra, 1972ko martxoaren 14a) 2017ko maiatzean iritsi zen Osasuna taldera Catarekin batera. Kirol zuzendaria denetik, erakundeak bi denboraldi igaro ditu SmartBank Ligan, horietako bat igoerarekin amaitu zena, eta beste bi denboraldi Santander Ligan. Hurrengoa galiziarraren bosgarrena izango da.
Zure interesekoa izan daiteke
Moncayola: "Gaur erakutsi dugu taldea ondo dagoela, liderren aurka garaipen borobila lortuta"
Jon Moncayola Osasunako jokalariaren adierazpenak, EA Sports Ligako 25. jardunaldiko partidan Real Madril 2-1 garaitu ostean.
Raul Garciak azken minutuetan sartutako gol bikainak garaipena eman dio Osasunari Real Madrilen aurka (2-1)
Lehenengo gola Budimirrek egin du lehen zatian, penaltiz. Bigarrenezn, Viniciusek banakoa egin du 73. minutuan, eta, luzapenean, Raul Garciak garaipena eman die nafarrei.
Lisci: "Real Madrilen aurkako partidetan Sadarreko giroa ikaragarria izaten dela esan didate"
Real Madrilen aurkako neurketa jokatu aurreko prentsaurrekoan esan duenez, Osasunako entrenatzaileak badaki Madrilgo taldearen aurkako partidetan Sadarren giro "ikaragarria" izaten dela.
Alessio Lisci: "Talde batek irabaztekotan, Elxek irabazi behar zuen"
Osasunako entrenatzaileak Elxen aurkako berdinketaz (0-0) hitz egin du EA Sports Ligako 24. jardunaldian. (Adierazpenak gazteleraz)
Sergio Herrera harresi bilakatu da Osasunari puntu bat emateko Elxen aurka (0-0)
Elxek hainbat aukera izan ditu gola sartu eta aurretik jartzeko, baina atezain gorritxoak partida bikaina burutu du aukera bakoitza zapuzteko.
Alessio Lisci: "Ondo gaude eta edozertarako gai garela uste dugu"
Alessio Lisci Osasunako entrenatzaileak prentsaurrekoa eman du ostiral honetan gorritxoek Elxen aurka jokatuko duten partida aztertzeko.
Lisci: "Pozik gaude, baina berdinketa emaitzarik justuena zela uste dut"
Osasunako entrenatzaileak Celtaren aurka lortutako garaipenaz (1-2) hitz egin du Balaidosen jokatutako EA Sports Ligako 23. jardunaldian.
Osasunak hiru puntu eskuratu ditu Balaidosen euripean (1-2)
Euri zaparradek markatutako partidan, Budimirrek aurreratu ditu gorritxoak, baina Borja Iglesiasek berdinketa jarri du penaltiz. Raul Garcia de Harok sartu du garaipenaren gola.
Alessio Lisci: "Konfiantza handiz joan behar dugu"
Alessio Lisci Osasunako entrenatzaileak prentsaurrekoa eman du ostiral honetan Celtaren aurka jokatuko duten LaLigako partida aztertzeko.
Osasunak Sheraldo Beckerrek Mainz 05era joateko lagapena itxi du, derrigorrez erosteko aukerarekin
Futbolariak Bundesligan jarraituko du denboraldi honetan, bi kluben artean itxita geratu den operazio baten ostean.