Bilbao Athletic matematikoki jaitsi da Osasunaren aurka berdinduta
Bilbao Athleticek eta Osasunak golik gabe berdindu dute (0-0) San Mamesen eta puntu bana eskuratu du talde bakoitzak. Emaitza honek, ordea, ez dio talde bietako bati ere balio. Zuri-gorrien jaitsiera matematikoki baieztatu da; gorritxoak, aldiz, playoff postuetan jarraitzen dute, baina igoera zuzenetik urrunago, zazpi puntura.
Lehen zatia parekatua izan da. Talde bakoitzak abagune bana izan du. Seigarren minutuan Nauzet atezainak Bilbao Athleticen gola eragotzi du Guarrotxenari buruz-burukoa irabazita. Ondoren, Osasunak abagune bikoitza izan du, baina gorritxoek ez dute Jon Anderren atea zulatzea lortu. Atsedenaldira iritsi orduko, 38. minutuan, Nauzetek beste buruz-buruko bat atera dio Guarrotxenari eta ia jarraian, Jon Ander Bilbao Athleticeko atezainak erantzun ona eman dio Urko Veraren erremateari.
Bigarren zatian Osasunak izan ditu abagune onenak. 68. minutuan, Jon Ander atezainak erantzun bikaina eman dio Roberto Torresen jaurtiketa indartsuari eta 80. minutuan, Olavidek jokaldi bikaina egin eta bere jaurtiketa gutxigatik kanpora joan da. Partida amaitzeko bost minutu falta izan direnean Bilbao Athleticek abagune ona izan du, baina Nauzetek gola eragotzi du Jurgiren jaurtiketa desbideratuta. Amaieran, golik ez San Mamesen eta puntu banaketa.
Fitxa teknikoa:
0 - Bilbao Athletic: Jon Ander; Etxeberria, Ramalho, Gil, Saborit; Guarrotxena (Gorka Iturraspe, 77.min), Unai Lopez, Vesga, Cordoba (Jurgi, 70. min); Aketxe; eta Villalibre.
0 - Osasuna: Nauzet Perez; Aitor Buñuel (Alex Berenguer, 53. min), Tano, Unai Garcia, David Garcia, Javier Flaño; Merino, Roberto Torres, Otegui (De las Cuevas, 46. min); Pucko (Olavide, 65. min) eta Urko Vera.
Epailea: Areces Franco (Asturias).
turias).Zure interesekoa izan daiteke
“Merkatura joateko dirua daukagu”, ohartarazi du Braulio Vazquezek
Taldea neguko merkatuan berrindartzeko lanean ari dela baieztatu du Osasunako kirol zuzendariak, hala ere, gaur egungo merkatuaren konplexutasuna onartu du.
Lisci: "Tokatzen zen partida egin dugu; taldeak partida bikaina egin du, eskatu diedan ia guztia egin dute"
Osasunak 2-0 galdu du Bartzelonaren aurka Spotify Camp Noun. Partidaren ondoren, Alessio Liscik adierazi du taldea ondo aritu dela, akats batzuk tarteko, baina eskatutakoa bete dutela.
Osasunaren harresiak ez dio Bartzelonaren erasoari eutsi (2-0)
Gorritxoek dena eman dute defentsan euren areara etengabe hurbildu den talde baten aurka, Raphinhak garaipenaren bi golak sartu dituen arte.
Lisci: "Dena gerta daiteke futbolean, eta Bartzelonaren aurka saiatuko gara"
Osasuna taldeko entrenatzaileak larunbatean Bartzelonaren aurka EA Sports ligako 16. jardunaldian jokatuko duen partidaz hitz egin du.
Boyomok, Lucas Torrok, Aimar Orozek eta Arguibidek Bartzelonaren aurka jokatu ahalko dute, larunbatean
Osasunako lau jokalariek arazo fisikoak zituztela amaitu zuten Levanteren aurkako partida, aurreko astelehenean, baina Alessio Liscirendako eskuragarri egonen dira, Camp Noun jokatuko den partidan.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Osasunak garaipen sendoa lortu du Levanteren aurka, Sadarren (2-0)
Talde gorritxoak partida tinkoa sinatu du mailari eusteko lehia zuzenean, eta Levante are ukituago utzi du.
Osasunak Alykall Doumbia harrobiko aurrelari azkarrari kontratua 2029ra arte berritu dio
Gainera, talde gorritxoak 2031ra arte luzatu ahal izango du lotura profesionala. Jokalariaren etete-klausula 20 milioikoa izango da, eta 40 milioira igoko da lehen taldeko kide bada.
Valentin Rosierrek bere taldekideekin entrenatu du, Taxoaren
Osasunako jokalariak taldearekin entrenatu ahal izan du, hilabete eta erdi baino gehiago lesionatuta eman ondoren; horrela, hurrengo astelehenean berragertu ahalko litzateke, Levanteren aurkako partiduan.
Lisci kritiko agertu da bere taldearekin, garaipena eta sailkapena lortu arren
"Geldikako jokaldietan askoz kontzentratuago egon behar gara, partida berriro irekitzen utzi dugu baloi geldian eta bigarren jokaldietan. Ez nago pozik abantailaren kudeaketarekin, noski", azpimarrtu du gorritxoen entrenatzaileak Ebrori irabazi ondoren.