FIFAk Athletic sartu du bere zerrenda beltzean, eta 2028ra arte fitxatzea galaraziko lioke
Jatorria Pumas talde mexikarrak FIFAri helarazitako kexa batean dago, haien ustez, bilbotarrek ez zutelako zuzen jokatu Padilla atezaina berreskuratzeko prozesuan. Balizko zigorrak fitxaketak egin ahal izateko hiru leiho barne hartuko lituzke.
Jon Uriarte Athleticeko presidentea eta Mikel Gonzalez kirol zuzendaria. Artxiboko irudia: EITB
Futboleko Nazioarteko Federazioak (FIFA) "baneatutako" kluben zerrendan sartu du Athletic. Zigorrak – atzo, asteazkena, indarrean sartu zen – hiru fitxaketa-leihori eragingo lieke, eta horrek hurrengo bi udak eta 2026-27 denboraldiko negua ekarriko lituzke, 2027-28ko negura arte iritsiz.
Ia egunero eguneratzen den zerrenda da. Athleticez gain, munduko futbolaren erakunde gorenak Libiako bi talde eta Venezuelako bat sartu ditu zerrenda horretan. Gaur Argentinako talde historiko bat ere sartu du, Banfield. Espainiako Estatuan Algeciras eta Velez ere daude zerrenda horretan.
Athletic zerrendan sartzeko erabakia Pumas talde mexikarrak FIFAri helarazitako kexa batean oinarrituta dago. Pumaseko arduradunen arabera, talde bilbotarrak ez zuen zuzen jokatu Alex Padilla atezaina berreskuratzeko prozesuan.
FIFA Registration Ban List, munduko futbola zuzentzen duen erakundearen webgunean kontsulta daitekeena, duela bi urte sartu zen indarrean, gardentasuna sustatzeko eta FIFAren eta bere organo judizialen jarduerei buruzko informazio guztia zabaltzeko.
Ibaiganek ez du azalpen ofizialik eman zerrenda beltz honetan sartu ondoren, baina FIFAren arabera, klubei ezartzeko ahalmena duten diziplina neurrien artean dago jokalariak inskribatzeko debekua.
Hala ere, baliteke talde zuri-gorriak FIFAk eta klubak berak zehaztu ez duten urraketa garaiz zuzentzea, eta inolako ondoriorik ez izatea.
"Eskubideen inguruko desadostasuna"
Zentzu horretan, EFE albiste-agentziak kontsultatutako talde zuri-gorriko iturriek ziurtatu dutenez, Athletic zerrenda horretan sartzeak "ez du zigorrik ekarriko" eta "datozen orduetan konponduko diren futbolari baten eskubideen inguruko desadostasuna da".
Iaz antzeko egoeran izan ziren Rayo Vallecano eta Mallorca, eta egun gutxitan konpondu zuten.
Zure interesekoa izan daiteke
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.
Athleticeko Kudeaketa Batzordeak ofizialki deitu ditu hauteskundeak maiatzaren 8rako
Hautagaitzak "formalki eta osorik" aurkezteko epea apirilaren 9an hasi eta hilaren 18an amaituko da.
Nico Williams taldeko entrenamenduetara itzuli da
Nico Williamsek taldekideekin lehen lan-saioa egin du Lezaman, 5 astez aditu baten laguntzarekin errekuperatzen egon eta gero.
Gorka Guruzeta: “Dena askoz gehiago kostatzen ari zaigun urte honetan, hobekuntzak non egin behar ditugun ikusten da"
Gorka Guruzeta Athleticeko aurrelariak Radio Euskadin egindako elkarrizketan azaldu duenez, ondo datorkie une hauek pasatzea, gauzak hobetu eta "gora begiratu ahal izateko". Valverder eta taldearen oraingo helburuei buruz ere hitz egin du. (Bideoa gazteleraz)
Maite Valero: “Atleticoren aurka gure irudi onena ematen eta hiru puntuak lortzen saiatu behar gara”
Athleticek Atletico Madrilen aurka jokatuko du igande honetan, San Mamesen. Maite Valerorekin egon gara partida aurretik taldeak dituen sentsazioak ezagutze aldera.
Clara Pinedok 2030era arte berritu du kontratua Athleticekin
Jokalari bilbotarrak klubarekin duen lotura handitu du hurrengo lau denboraldietarako.