Athleticek galdu egin du Barçaren aurka De Marcosen agurrean (0-3)
Athleticek 0-3ko emaitzarekin galdu du Bartzelonaren aurka igande honetan San Mamesen jokatu duen 24-25eko EA Sports Ligako partida. Lewandowskiren bi golek eta Del Olmok penaltiz sartutako beste batek denboraldia porrotarekin ixtea eragin dute, De Marcosen agurraren partidan.
Zuri-gorriak indartsu hasi dira eta lehen minutuetan atea aurkitu dute. Unai Gomezek baloia sarera bidali du euskaldunen kontraeraso azkar batean, baina gola baliorik gabe geratu da jokoz kanpokoagatik.
Barçak azkar erantzun du, eta hiru minututan Lewandowskik bi gol sartu ditu. Lehenengoan, katalanen jokaldi on baten ondoren, baloia Unai Simonen gainetik bota du (0-1).
Bigarrenean, Unai Gomezek ez du korner bat ondo urrundu eta poloniarra adi egon da bigarren zutoinean, bigarrena buruz sartzeko (0-2).
Maroanek aldea murriztu ahal izan du erdiraketa bat jasotzean. Baloia barrura bultzatu baino ez du egin behar izan, baina ez du oina ondo jarri eta kanpora joan zaio.
Bigarren zatian, gidoiak berdina izaten jarraitu du. Athleticek hurbilketa arriskutsu pare bat izan ditu, Nico aktiboago batekin, baina agintzen jarraitu duena Barça izan da. Lewandowskik beste gol aukera pare bat izan ditu eta zuri-gorriek ez dute probetxurik atera azken metroetan.
Hirugarren gola Del Olmok sartu du penaltiz, 0-3ko emaitzarekin ixteko partida.
Omenaldia eta agurra De Marcosi
Norgehiagoka hasi aurretik, Oscar de Marcos kapitainak merezitako omenaldia jaso du bere azken partidan eta San Mameseko agurrean, taldekideez eta familiaz inguratuta.
Fitxa teknikoa:
0 - Athletic: Unai Simon; De Marcos (Lekue, 88. min), Unai Nuñez (Vivian, 62. min), Paredes, Yuri; Galarreta (Prados, 62. min), Jauregizar; Berenguer, Unai Gomez (Sancet, 62. min), Nico Williams (Iñaki Willians, 80. min); eta Maroan Sannadi.
3 - Barcelona: Ter Stegen; Eric García, Araujo (Christensen, 64. min), Cubarsi, Balde (Gerard Martin, 80. min); Gavi, Pedri (De Jong, 80. min); Lamine Yamal, Dani Olmo, Raphinha (Dani Olmo, 64. min); eta Lewandowski (Pau Victor, 89. min).
Golak: 0-1, 14. min: Lewandowski. 0-2, 17. min: Lewandowski. 0-3, 94. min: Dani Olmo, penaltiz.
Epailea: Pablo Gonzalez Fuertes. Txartel horia atera dio Yuriri.
Zure interesekoa izan daiteke
Athleticek hamarrekin irabazi du Logroñon (0-1)
Athletic Clubek bigarren garaipena jarraian lortu du F Moeve Ligan igande honetan Logroñori etxetik kanpo irabazita, Maddi Torreren gol bati esker eta 15. minututik bat gutxiagorekin jokatu arren. (Bideoa gazteleraz).
Oihan Sancet: “Partida ikaragarria egin dugu"
Athleticek 3-0 irabazi dio Atletico Madril taldeari San Mamesen, EA Sports Ligako 4. jardunaldiko partidan. Nico Williams, Robert Navarro eta Oihan Sancet izan dira golegileak.
Athleticek garaipen handia lortu du San Mamesen, Atletico menderatuta (3-0)
Athleticen lehen bi golak bigarren zatiaren hasieran iritsi dira, bata bestearen atzetik izandako bi jokalditan; Nico Williams eta Robert Navarro izan dira golegileak. Hirugarrena, berriz, Oihan Sancetek sartu du, neurketaren azken txanpan.
Terzic: “Ez dago talde garaiezinik, eta, are gutxiago, etxean jokatzen badugu”
Athleticek Atletico Madril hartuko du larunbatean San Mamesen. Edin Terzicek adierazi du badakiela aurkariak maila handia duela, baina esan du Bilboko taldea prest dagoela onenei aurre egiteko.
Adama Boiro West Ham United taldean arituko da, Athleticek utzita
Ezker hegaleko atzelaria 2026-2027 denboraldian ibiliko da Londresko klubean; hori bai, taldek jokalaria erosteko aukera izango du. West Ham United Championshipen dabil lehian, alegia, Ingalaterrako bigarren mailan.
Unai Vencedorrek Athleticekin zuen kontratua eten eta Burgosen jokatuko du
Errekaldeko erdilariak amaiera eman dio Athleticeko etapari, 82 partida ofizial jokatuta eta Superkopa bat irabazita.
Andoni Gorosabelek Espanyolen jokatuko du, Athleticek utzita
Eskuin hegaleko atzelari arrasatearra 2026-2027 denboraldian arituko da Kataluniako klubean; gainera, Espanyolek helburuei lotutako nahitaezko erosketa-aukera du.
Iñaki Williamsek eta Unai Simonek klubarekin duten arazoaz hitz egin dute
Iñaki Williams eta Unai Simon Athletic Clubeko jokalariek jokalarien eta klubaren arteko egungo egoeraz hitz egin dute, eta atsekabea "jokalariena bakarrik ez" dela eta "elkarrizketa bat egiteke" dutela azpimarratu dute.
Iñaki Williams: “Hau da jarraitu beharreko bidea"
Athletic Clubeko jokalariak Celtaren aurkako garaipenari buruz hitz egin du (0-2) EA Sports Ligako 3. jardunaldian. Pozik agertu da taldeak egindako partida onagatik, batez ere lehen zatian.
Athleticek mamuak uxatu ditu Celtari irabaziz (0-2)
Lehen zati ikusgarria egin dute lehoiek, eta aurkaria baino askoz gehiago izan dira. Berenguer eta Navarroren golekin, denboraldiko lehen garaipena lortu dute.