Ander Herrera, Boca Juniorsera
Ander Herrerak Boca Juniorsen jokatuko du aurrerantzean. Bilboko jokalariari ekainean amaitzen zitzaion talde zuri-gorriarekin zeukan kontratua, baina bi aldeek "akordio ekonomikoa" adostu dute kontratuta bertan behera uzteko, klubak gaur baieztatu duenez.
"Athletic Clubek zorterik onena opa dio Ander Herrerari bere etorkizuneko ibilbide profesionalean, eta, aldi berean, eskerrak eman nahi dizkio urte hauetan guztietan erakundearen interesen defentsan erakutsitako arduragatik", adierazi du klubak ohar batean.
Herrera dagoeneko Buenos Airesen dago, osasun-azterketa egin eta Juan Roman Riquelmek zuzentzen duen klubarekin kontratua sinatzeko. Ondo bidean, Argentinako liga, Libertadores Kopa eta Kluben Munduko Txapelketa jokatuko ditu aurten.
Ander Herrera 1989ko abuztuaren 14an jaio zen, Bilbon. Profesional gisa, Zaragozarekin egin zuen debuta, Bigarren Mailan, 2009an.
2011-2012 denboraldian fitxatu zuen Athleticek, eta 2014-2015 denboraldian Manchester Unitedera joan zen. Lau titulu irabazi zituen han, Europa Liga bat tartean.
Ingalaterratik Frantziara joan zen, Paris Saint Germainera (2019), eta, besteak beste, Lionel Messi, Angel Di Maria eta Edinso Cavani izan zituen taldekide.
2022-2023 denboraldian bueltatu zen Athleticera, eta, iaz, Errege Kopa irabazi zuen talde zuri-gorriarekin. Guztira, bi aro ezberdinetan, 189 partida ofizial jokatu ditu Athleticekin. Denboraldi honetan, 14 neurketa jokatu ditu. Azkenekoz, Kopan aritu zen, Logroñesen aurka, Las Gaunasen.
Zure interesekoa izan daiteke
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.
Athleticeko Kudeaketa Batzordeak ofizialki deitu ditu hauteskundeak maiatzaren 8rako
Hautagaitzak "formalki eta osorik" aurkezteko epea apirilaren 9an hasi eta hilaren 18an amaituko da.