Albiste da:

Athleticek F Ligako hiru partida jokatuko ditu San Mamesen: Bartzelonaren, Realaren eta Real Madrilen aurka

Partidak F Ligako 15., 19. eta 20. jardunaldiei dagozkie. Klubak zaleen eskura jarri du hiru partidetarako sarrera barne hartzen duen pack bat.

Athleticeko jokalariak. Argazkia: @AthleticClubFem

EITB

2024/12/27 - 18:38

Azken eguneratzea

2024/12/27 - 18:38

Athleticek F Ligako hiru partida jokatuko ditu denboraldi honetan San Mamesen: Bartzelona (J15, urtarrilak 18), Reala (J19, otsailak 15-16) eta Real Madril (J20, martxoak 1-2). Gainera, klubak hiru partidetarako sarrera barne hartzen duen pack bat erosteko aukera jarri du zaleen eskura.

Hiruretako lehena, Bartzelonaren aurkakoa eta F Ligako 15. jardunaldiari dagokiona, San Mamesen jokatuko da urtarrilaren 18an, larunbatean, 16:15ean. 2025eko etxeko lehen partida izango da zuri-gorrientzat eta lehen itzuliari amaiera emango diona.