Athleticek 0-1 irabazi dio Rayori, eta bikain itxi du 2023-2024 sasoia
Athleticek garaipena bereganatu du Rayo Vallecanoren kontra, 0-1eko emaitzarekin, eta bikain agurtu du 2023-2024 denboraldia. Talde zuri-gorriak EA Sports Ligako sailkapeneko bosgarren postuan amaitu du sasoia, Europa Ligarako txartela lortu du, Errege Kopa irabazi du eta Unai Simonek Zamora saria jaso du.
Rayo nagusi izan da lehen minutuetan, eta abagune onak izan ditu. Protagonista nagusia Radamel Falcao izan da. Unai Simon atezaina behin baino gehiagotan jarri du kinka larrian, baina ezin izan du gainditu, batzuetan punteria faltagatik eta besteetan Athleticeko atezainaren lan onarengatik.
Zuri-gorriek ez dute lehen zati ona jokatu, eta gol aukera bakarra Nico Williamsek izan du 40. minutuan; jaurtiketa, ordea, gora joan zaio. Atsedenaldira heldu orduko, Unai Simonek Rayoren gola saihestu du, Lejeuneren erremateari erantzun ona emanda.
Bigarren zatian, Athletic hobeto zelairatu da, eta ez du horrenbeste sufritu. Neurketako 56. minutuan, Yuri Berchichek min hartu du, eta ezin izan du jokatzen jarraitu; Imanol Garcia de Albenizek ordezkatu du.
Horrela, bada, 60. minutura golik gabeko berdinketarekin iritsi da partida, 0-0. Ernesto Valverde Athleticeko entrenatzaileak Simon berdegunetik kendu du 61. minutuan, Julen Agirrezabala zelairatzeko, eta, horrenbestez, Unai Simonek batez beste gol gutxien jaso dituen atezainari ematen dioten Zamora saria bereganatu du.
Bost minutu geroago, 67. minutuan, Nico Williamsek 0-1ekoa sartu du. Berenguerrek jokaldi ona egin, pasea eman du area barrura, eta Nicok ez du barkatu aurkariaren ate aurrean.
Azken txanpan, Rayok estutu egin du, baina etxeko jokalariak ez dira fin ibili Agirrezabalak babestutako atearen aurrean. Ondorioz, Athleticek bereganatu du garaipena (0-1), eta hiru puntuak poltsikoratu ditu horrela.
Fitxa teknikoa:
0 - Rayo Vallecano: Cardenas; Ratiu, Lejeune, Aridane, Pep Chavarría; Pathe Ciss (Crespo, 73. min), Unai Lopez (Bebe, 77. min); De Frutos (Kike Perez, 77. min), Trejo (Isi, 67. min), Alvaro; eta Falcao (De Tomas, 67. min).
1 - Athletic Club: Unai Simon (Agirrezabala, 62. min); Lekue, Yeray (Vivian, 46. min), Paredes, Yuri (Imanol, 59. min); Dani Garcia, Galarreta; Berenguer, Jauregizar (Unai Gomez, 46. min), Nico Williams; eta Villalibre (Raul Garcia, 46. min).
Golak: 0-1. 67. min, Nico Williams.
Epailea: Jose Luis Munuera Montero. Txartel horia atera dio Crespo (79. min) Tayoko jokalariari, baita Ruiz de Galarreta (44. min) Athleticeko futbolariari ere.
Zure interesekoa izan daiteke
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.
Athleticeko Kudeaketa Batzordeak ofizialki deitu ditu hauteskundeak maiatzaren 8rako
Hautagaitzak "formalki eta osorik" aurkezteko epea apirilaren 9an hasi eta hilaren 18an amaituko da.