Athleticen emakumezkoen taldeak San Mamesen jokatuko denboraldiko azken partida
Athleticeko emakumezkoen taldeak San Mamesen emango dio amaiera 2023-2024 denboraldiari. Bilbotarrek Sevilla izango dute aurkari F Ligako 30. eta azken jardunaldian. Ekainaren 15-16ko asteburu horretan jokatuko diren neurketen ordutegiak zehaztu gabe daude oraindik.
Bitxikeri modura, David Aznarrek zuzendutako taldeak gizonezkoen taldeak San Mameseko denboraldiko azken partidan izandako aurkari bera izango dute, Sevilla. Valverderen taldea 2 eta 0 nagusitu zitzaien andaluziarrei igandean jokatutako partidan.
Ekainekoa, emakumezkoen taldeak denboraldi honetan San Mamesen jokatuko duen hirugarren partida izango da, aurretik Erreginaren Kopako bi partida jokatu ditu bertan: Madril CFFren kontrakoa (final-zortzirenetan 1-0 gailendu ziren) eta Bartzelonaren kontrakoa (0-3 galdu zuten finalerdietako joaneko partidan).
Azken partida horretarako bi jardunaldi falta dira. Bilbotarrak seigarren dira sailkapenean, bigarren itzuli bikaina eginda, eta hirugarren izateko eta Txapeldunen Ligako atarikoan sartzeko aukerak dituzte, gutxi badira ere.
Aukerak matematikoak dira gehienbat, errealak baino, 7 puntura baitute Atletico Madril, ostiral honetan Costa Adeje Teneriferen aurka jokatu behar dute Lezaman, 18:00etan, eta, ondoren, Real Madrili bisita egin behar diote ekainaren 9an (20:30ean).
Doako sarrera bazkideentzat
San Mameseko azken partida horretara begira, sarrera doakoa izango da bazkideentzat, eta aurretiaz atera beharko dute. Gainontzeko ikusleek 11 euro ordaindu beharko dituzte helduen kasuan, eta 6 euro 17 urtez azpikoen kasuan. Prezio horren barne sartzen dira euro bateko kudeaketa gastuak.
Zure interesekoa izan daiteke
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.
Athleticeko Kudeaketa Batzordeak ofizialki deitu ditu hauteskundeak maiatzaren 8rako
Hautagaitzak "formalki eta osorik" aurkezteko epea apirilaren 9an hasi eta hilaren 18an amaituko da.