Athleticek Balaidosen galdu du, Celta aurkari (2-1), eta Txapeldunen Liga jokatzeko aukerarik gabe gelditu da
Athleticek 2-1 galdu du Celtaren aurka, Abanca-Balaidos futbol zelaian, asteazken gauean, 2023-24 denboraldiko EA Sports Ligako 36. jardunaldian. Alex Berenguerrek, 23. minutuan, gol olinpikoa sartuta, Ernesto Valverderen taldearen gola egin du, eta Williot Swedbergek, 68. minutuan, eta Hugo Alvarezek, 71.ean, Galiziako taldeari garaipena eman dioten golak lortu dituzte. Emaitza hori zenbatuta, Athleticek 62 puntu dituela jarraitzen du, sailkapeneko bosgarren postuan, eta dagoeneko ez du aukerarik Txapeldunen Ligarako txartela ematen duen laugarren postura iristeko; izan ere, laugarren sailkatua den Atletico Madrilek, Getafen irabazita, 73 puntu ditu, Athleticek baino hamaika gehiago, aurretik bi partida gelditzen direla.
Celta-Athletic partidako laburpena (2-1)
Bigarren zatia oso bestelakoa izan da. Celtak, estu sailkapenean, bete-betean mailari eusteko lehian, aurrera egin du, eta segituan hartu du zelai erdia eta behartu du Athletic atzerako urratsa ematera. 68. eta 71. minutuetan, Williot Swedbergek eta Hugo Alvarezek markagailua irauli dute, bi gol ia jarraian sartuta.
Athleticen ikuspegitik, agian onena izan da Unai Simonek gertuago duela Zamora Garaikurra. Beste partida bat jokatu du murgiarrak, Julen Agirrezabalak 61. minutuan ordezkatu baitu, eta ez du golik jaso; hortaz, gero eta hurbilago du Simonek saria. Hori bereganatu zuen Athleticeko azken atezaina Jose Angel Iribar izan zen, 1970ean.
Fitxa teknikoa
2 - Celta: Ivan Villar; Manquillo, Starfelt, Carlos Dominguez; Carles Perez (Mingueza, 45. min), Damian, Beltran, Manu Sanchez (Hugo Alvarez, 33. min); Bamba (Aspas, 33. min), Larsen (Douvikas, 72. min) eta Williot Swedberg (Cervi, 77. min)
1 - Athletic: Unai Simon (Agirrezabala, 62. min); Lekue, Yeray, Paredes, Imanol; Prados (Ruiz de Galarreta, 74. min), Dani Garcia (Vesga, 74. min); Berenguer, Unai Gomez, Adu Ares (Iñaki Williams, 62. min); Villalibre (Raul Garcia, 62. min)
Golak: 0-1 Berenguer (23. min); 1-1 Williot Swedberg (68. min); 2-1 Hugo Alvarez (71. min)
Epailea: Garcia Verdura (Kataluniako Batzordea). Celtako Starfelt eta Cervi zigortu ditu, txartel horia aterata.
Gertakizunak: 21.301 zale izan dira Balaidosen.
Zure interesekoa izan daiteke
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Naia Landaluzek 2028ra arte berritu du kontratua Athleticekin
Elastiko zuri-gorriarekin 100 partidatik gora jokatu dituen Orozkoko atzelariak beste bi denboraldiz luzatu du kontratua.
Valverde: “Hemen ikusi dut nire burua islatuta, aitortuta; klan bat gara eta hori da dagoena”
Larunbat honetan, Athleticek, Real Madrilen aurka neurtuko ditu, Valverderen azken partidan. Entrenatzaile zuri-gorria etxean egingo duen azken prentsaurrekoan agertu da eta partidaz, klubean izandako ibilbideaz eta Kopako garaipenaz hitz egin du bertan. (Bideoa gazteleraz).
Ane Azkonak Athleticen jarraituko du 2028ra arte
Aurrelari nafarrak hamar urte beteko ditu azaroan debuta egin zuenetik, eta bi denboraldiz luzatu du kontratua.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valverde: "Iritsi gara lehen solairura, ea pixka bat gorago iritsi gaitezkeen"
Ernesto Valverdek, Athleticeko entrenatzaileak, "zapore onarekin" agur esan nahi duela azpimarratu du, Celtaren aurka garaipena eskuratuta; denboraldi "zail" baten ostean San Mamesen jokatuko duen azken partida izango baita.
Egiluzek min hartu du berriro eskuineko belaunean
Erdiko atzelariak haustura du berriro eskuin belauneko aurreko lotailu gurutzatuko plastian.
Dani Vivianek bihurdura bat dauka orkatilan, eta Celtaren aurkako partidarako baja izan daiteke
Athleticeko atzelaria, asteazkenean, Bartzelonan, Espanyolen aurka jokatutako partidaren atsedenaldian kendu behar izan zuen Ernesto Valverdek. Vivianek bere eskuineko orkatilaren kanpoko alboko lotailuan lesio bat du.
Yeray Alvarez: “Taldea minduta dago, baina aurrera begiratzea besterik ez zaigu geratzen"
Athleticek 2-0 galdu du Espanyolen aurka, eta horrek "inoren lurraldean" egotetik atera ditu, Yeray Alvarezek azaldu duenez. EA Sports Ligan bizi den egoera kontuan hartuta, atzelariak argi dauka: "Final bati bezala begiratu behar diogo Celtaren aurkako partidari".