Oscar de Marcosi elkarrizketa, osteguneko Teleberrin
Oscar de Marcos Athleticeko jokalaria izango da protagonista ostegun honetako gaueko Teleberriko kirol tartean. Atzelari arabarrak talde zurigorriaren bolada onaz hitz egingo du. Lehoiak bosgarren daude EA Sports Ligako sailkapenean, Girona San Mamesen mendean hartu ostean. Halaber, Errege Kopako finalaurrekoa alde du Athleticek, Atletico Madrili etxean 0-1 irabazita. Itzuliko neurketa otsailaren 29an jokatuko dute, San Mamesen.
Alavesen ekin zion futbolari ibilbideari De Marcosek, baina, 2009an Athleticera heldu zenez gero, han jokatu du. Beraz, 15 denboraldi daramatza klubean, 500 partida baino gehiago jokatuta. Aurten amaituko zaio kontratua, eta oraindik ez dute zehaztu berrituko duen ala ez. Igandean, Betis-Athletic partidan, Ernesto Valverde entrenatzaileak erabakitzen badu De Marcosek jokatzea, Guardiakoak 400. norgehiagoka jokatuko luke talde zuri-gorriarekin, Ligan; historian, oraingoz, soilik beste sei jokalarik lortu dute zifra horretaraino iristea.
Elkarrizketa 21:30ean hasiko da, ETB2ko Teleberri albistegiaren kirol tartean.
Zure interesekoa izan daiteke
Valverde: “Partida guztiak estutu nahi ditugu puntuak batzeko"
Athletic Clubeko entrenatzaileak Atletico Madrilen aurka Ligako 32. jardunaldian jokatuko duten partidaz hitz egin du.
Terzic alemaniarra, Athleticeko entrenatzaile izatetik oso gertu
Hainbat hedabidek baieztatu dute Borussia Dortmundeko entrenatzaile ohia aukeratu duela Jon Uriarteren zuzendaritzak Ernesto Valverde ordezkatzeko, datorren denboralditik aurrera.
Patri Zugastik eta Bibi Schulzek alta medikoa jaso dute
Athleticeko bi jokalariak eskuragarri egonen dira Javi Lerga entrenatzailearentzat, F Ligaren azken txanparako.
Gorosabel: “Ondo sufritu dugu eta hiru puntuak eraman ditugu”
Gorka Guruzetak sartu du Athletici Osasunaren aurkako partidan garaipena eman dion gola. Aurrelaria pozik agertu da "irabazi nahi zutelako eta lortu dutelako".
Guruzetaren gol batek eta Simonen geldiketek derbia erabaki dute San Mamesen (1-0)
Valverderen taldeak arnasa hartu du, egindako lanak garaipena ekarri dio eta. Lehen zatian Osasuna nahiko makal azaldu da, baina bigarrenean gehiago merezi izan du. Baina Ante Budimirrek, gorritxoen heroia izaten denak, ez du bere arratsalderik onena izan, eta ez du asmatu ate aurrean.
Jon Uriartek bere bigarren agintaldiari hasiera eman dio, Ibaiganen
Larunbatean berriro presidente izendatu ondoren, arratsaldean, Ibaigane Jauregiaren atarian egin ohi den argazkiarekin bigarren legealdiari hasiera eman diote. Aurreko zuzendaritzako 11 kide izango dira berriro karguan, eta zortzi kolaboratzaile batu zaizkie, horien artean Javier Landeta Euskadiko Futbol Federazioaren presidente ohia.
Jon Uriartek Athleticeko presidente izaten jarraituko du, 2030era arte
Uriarte 2022tik 2026ra bitartean ere izan da klubeko lehendakaritzan. Athleticeko hauteskundeetan, hautagaitza bakarra aurkeztu da, Uriarte bera lider duena; hala, presidente moduan segituko du, hurrengo lau urteetarako., Hauteskunde Batzordeak aldarrikatu duenez.
Yuri Berchiche: “Ez gaude nahi genuen tokian, eta Osasunaren aurkako partida final bat da"
Yuri Berchichek ahotsa jarri dio Athleticen une kritikoari, irregulartasunak, zalantzek eta sailkapenaren presioak markatuta. Hegaleko atzelariak aitortu du egoerak beregan eragin emozionala izan duela "gau askotan ez dut lorik egin”; eta taldeak Europari begiratu arren, beherantz ere adi egon behar duela. Zazpi jardunaldi aurretik izanda, Osasunaren aurkako lehia "partida giltzarria"dela adierazi du, zailtasun handiagoak saihesteko eta helburuei berriro lotzeko.
Ernesto Valverde: “Irabaztea premiazkoa da guretzat”
Ernesto Valverde Athleticen entrenatzaileak taldeak bizi duen egoera zailaz hausnartu du, eta gogotsu espero du datorren asteartean Osasunaren aurka jokatuko duen Ligako hurrengo partida.
Guruzeta: “Ezin dugu horrelako lehen zatia jokatu"
Athleticeko jokalariak Vila-realen aurka San Mamesen jasotako porrotari buruz hitz egin du (1-2) EA Sports Ligako 31. jardunaldian.