Athleticek iragarri du 6 milioi euroko gehikuntza izan duela diru-sarreretan 2023ko lehen seihilekoan
Athleticek 2023ko lehen seihilekoan sei milioi euroko gehikuntza izan duela "merkataritza kontzeptuengatik" jakinarazi du klubak asteazken honetan, uztailaren 12an, bere webgunean argitaratutako oharrean.
Jon Uriarte presidentea buru duen zuzendaritza batzordeak txostena argitaratu du diru-sartzeen gehikuntza azaltzeko, eta argitu du sei milioi horietatik hiru baino gehiago San Mamesen egindako ekitaldiek, Museoak eta 'VIP Area'k eraginak izan direla.
Bestalde, milioi bat baino gehiago babesleetatik eratorritakoak direla argitzen da. Gainera, klubak 1,1 milioi jaso ditu sarreren salmentagatik, eta beste 1,2 milioi gehiago txikizkako salmentagatik.
Horrez gain, diru-sarreren zati bat "AC Footbal Advisory, AC Coaches Experience, AC Campus INSIDE, AC Campus Plentzia, AC Campus Goizez eta Arratsaldez, ACFC Jardunaldiak eta AC Cupen lehen edizioak" eragin dutela zehaztu du klubak "AC Aurrera 2023-2026 Ekintza Planaren" lehen seihilekoaren txostenean.
Halaber, klubak azpimarratu du San Mamesera partidak ikusten joaten den zaleen kopurua % 7 igo dela, 2022an onartutako estatutu berrietan proposatutako 50 betekizunetik 17 ezarri direla, eta klubaren 125. urteurrena ospatzeko 18 ekitaldi egin direla.
Azkenik, jakinarazten da 32 jokalari berri iritsi direla Lezamara (26 harrobiko behe-mailetako taldeetara, 5 gizonezkoen bigarren eta hirugarren taldeetara eta bat emakumeen bigarren taldera), akordioak sinatu direla Bizkaitik kanpoko bost klubekin eta emakumeen taldeetan hiru babesle berri daudela.
Zure interesekoa izan daiteke
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.
Terzicen Athleticek Derio garaitu du denboraldiaurreko lehen partidan (0-3)
Athleticek denboraldiaurreko lehen lagunartekoa jokatu du gaur Derioren aurka Portugaleten. Terzicen taldea garaile atera da 0-3ko markagailuarekin, eta hiru golak bigarren zatian iritsi dira. Maroan Sannadik zelaia utzi du, belaunetako batean min hartu du eta.
Athletic lanean hasi da, Victor Martinen esanetara: “Taldea ausarta, erasokorra, joko alai eta ikusgarria izatea nahi dut”
Bizkaiko taldeak lehen entrenamendua egin du, Lezaman, entrenatzaile berriarekin. Irene Oguizak, kapitainetako bat bera, nabarmendu du garrantzitsua dela, denboraldiaurrean, jokalariak klubera iritsi berri den talde teknikora egokitzea.
Nico Serranok gihar-lesio arina du, eta ez da taldekideekin aritu
Jokalari nafarrak ezker hankako zuzen femorala du minduta.
Josean Lekuek Nico “ondo" dagoela ziurtatu du, eta iragan denboraldia esparru medikoan aspaldiko “txarrena" izan zela onartu du
Hala ere, "antzeko metodologiarekin", 2024-2025 denboraldian Athleticek laugarren amaitu eta Europa Ligako finalerdiak jokatu zituela, eta azken hamarkadako "onena" izan zela gaineratu du buruzagi mediko zuri-gorriak.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
Maddi Torrek Athleticekin berritu du, 2027ra arte
30 urteko erdiko atzelaria, Donostian jaioa eta Sopelan hazia bera, Athleticetik irten zen 2016an, 2015-2016 denboraldiko Liga irabazita, eta 2023an klub zuri-gorrira bueltatu zen: “18 urte nituen adina energia daukat, anbizio bera”, nabarmendu du, berritu eta gero.
Senideek, lagunek eta Athleticeko jokalari ohiek azken agurra eman diote Carmelo Cedrun atezain zuri-gorriari
Bertaratutakoen artean talde bilbotarreko zuzendariak zeuden, Jon Uriarte presidentea buru zutela, eta Athleticeko jokalari ohi ugari, hala nola Dani, Andoni Goikoetxea edo Jose Angel Iribar, Carmelo Cedruni zuri-gorrien atean lekukoa hartu ziona.