Athleticek hiru puntuak bereganatu ditu Elxi irabazita (1-4)
Athleticek irabazi egin du Elxen aurka (1-4) igande honetan (irailak 11) jokatu duen Santander Ligako 5. jardunaldiko partida. Talde zuri-gorriak erabakita utzi du norgehiagoka lehen zatian. Garaipen honen ostean Athleticek 10 puntu ditu eta sailkapenaren goialdean dago.
Lehen zatian jaun eta jabe izan da Bilboko taldea. Baloiaren jabe egin da Athletic hasieratik eta abaguneak sortu ditu. Norgehiagokako 9. minutuan iritsi da lehen gola zuri-gorrientzat; Muniainek pase bikaina eman dio Berenguerri, honek erdiratu, eta Nico Mercauk bere atean sartu du gola (0-1).
Gola sartu eta ia jarraian, 12. minutuan, Nico Williams area barruan sartu eta lurrera joan da Enzo Rocoren aurrean. Epaileak hasieran ez du ezer adierazi, baina VARa kontsultatu ostean Athleticen aldeko penaltia adierazi du Rocok falta egin baitio Nico Williamsi area barruan. Sancetek 0-2koa jarri du markagailuan, penaltiz Badia atezaina gaindituta.
Hamalau minututan bi gol hartu dituen arren, Elx ezinean ibili da. Etxeko taldea ez da erreakzionatzeko gai izan, eta Athleticek nagusi izaten jarraitu du. Hala bada, 22. minutuan Bizkaiko taldearen hirugarren gola iritsi da: Nico Williamsek gol bikaina sartu du (0-3) jokaldi ona egin ostean.
Partida alde jarri zaion arren, ez du erritmoa moteldu Ernesto Valverdek zuzentzen duen taldeak. Epaileak Muniainek 41. minutuan sartu duen gola baliogabetu du, talde zuri-gorriko kapitainak jaurtiketa egin ostean baloiak Berenguerren hankan jo baitu, eta hau jokoz kanpo egon baita. Dena den, bi minutu beranduago, Elxek kale egin du defentsan eta Berenguerrek laugarren gola eman dio Athletici (0-4).
Atsedenaldira lau goleko abantailarekin joan da Athletic. Elxek oso lehen zati kaskarra jokatu du, baina bigarrenean erasokor zelairatu da. Bilboko taldea pixka bat erlaxatu da eta etxeko taldea abagune argiak sortzen hasi da. Hala ere, Athleticek bosgarren gola sartzeko aukera izan du 55. minutuan, baina Nafarroakoaren jaurtiketa langara joan da.
Elxek parkatu egin du Unai Simonek babestutako ate aurrean bigarren zatiko lehen minutuetan. Neurketako 58. minutuan, ordea, Poncek Alacanteko taldearen desabantaila murriztu du (1-4) Vivianen hutsa baliatu eta Unai Simon atezaina gaindituta.
Ondoren, bigarren golaren bila jo du Elxek, baina Athletic ez da urduri jarri eta partidaren erritmoa moteltzen jakin du. Azken txanpan bi taldeetako batek ere ez du abagune argiegirik izan eta hiru puntuak Athleticek poltsikoratu ditu.
Fitxa teknikoa:
1 - Elx: Edgar Badía; Lirola (Josan, 65. min), Roco (John, 46. min), Bigas, Nico Fernandez; Gumbau (Guti, 71. min), Domingos Quina, Mascarell (Ponce, 38. min), Collado (Fidel, 46. min), Pere Milla eta Lucas Boye.
4 - Athletic Club: Unai Simon; De Marcos, Vivian, Iñigo Martinez, Lekue; Sancet (Raul Garcia, 63. min), Dani Garcia (Vesga, 71. min); Nico Williams (Zarraga, 63. min), Muniain (Morci, 78. min), Berenguer eta Iñaki Williams (Guruzeta, 78. min).
Epailea: Melero Lopez. Txartel horiak atera dizkie Mascarell, Roco eta Bigas Elxeko jokalariei.
Golak: 0-1, 8. min: Nico Fernandez, bere atean. 0-2, 13. min: Sancet, penaltiz. 0-3, 22. min: Nico Williams. 0-4, 44. min: Berenguer. 1-4, 58. min: Ponce.
Zure interesekoa izan daiteke
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.
Athleticeko Kudeaketa Batzordeak ofizialki deitu ditu hauteskundeak maiatzaren 8rako
Hautagaitzak "formalki eta osorik" aurkezteko epea apirilaren 9an hasi eta hilaren 18an amaituko da.