Athleticek berdindu egin du Vila-realekin (1-1) eta ezin izan du zazpigarren postua bereganatu
Athleticek berdindu egin du Vila-realen aurka (1-1) larunbat honetan (apirilak 9) Ceramika estadioan jokatu duen Santander Ligako 31. jardunaldiko partida. Ondorioz, zazpigarren dagoen Castelloko taldeak, zortzigarren postuan dauden zuri-gorriekiko zuen puntu bateko abantaila mantendu du.
Vila-real baloiaren jabe egin da hasieratik eta lehen abisua 10. minutuan eman du Unai Simonek gelditu duen Yeremy Pinoren jaurtiketarekin. Lau minutu beranduago, Pedrazaren errematea ez da ate barrura sartu, oso gutxigatik. Athleticen lehen abagunea 31. minutuan etorri da, baina De Marcosen errematea Asenjo atezainak desbideratu du, gola eragotzita. Norgehiagokako 37. minutuan, area barruan zegoen Aurierrek ukondoarekin desbideratu du Muniainen jaurtiketa; epaileak ez du ezer adierazi, "VARa" kontsultatu du, eta orduan ere ez dagoela penaltirik erabaki du. Lehen zatia amaitzeko minutu bakarra falta zenean, Raul Garciak gola sartu du (0-1) talde zuri-gorriarentzat, Muniainek egin duen jokaldi bikainari amaiera ezin hobea emanda.
Bigarren zatiaren hasieran kontrolpean izan du neurketa Athleticek. Bi taldeei kosta egin zaie abaguneak sortzea, baina Vila-realek neurketa berdindu du 60. minutuan, Unai Simonek babesten duen atera gerturatu den lehen aukeran: Pedrazak banakoa jarri du markagailuan (1-1), Chuwkuezek orpoz eman dion pasea jaso eta atezaina gaindituta.
Partida berdindu ostean Vila-real izan da nagusi. Unai Simoni lana pilatu zaio, baina erantzun onak eman dizkie Danjumaren eta Gerard Morenoren erremateei. Athletici kosta egin zaio abaguneak sortzea, baina bigarren gola sartzeko aukera argia izan du 79. minutuan; Zarragak eskuin hegaletik erdiratu, Iñaki Williamsek buruz jo du baloia, eta Nico Williamsen errematea Asenjo atezainak gelditu du.
Azken txanpan bi taldeak saiatu dira garaipenaren gola sartzen, baina bietako batek ere ez du abagune nabarmenik izan, eta norgehiagoka berdinduta amaitu da (1-1).
Fitxa teknikoa:
1 - Vila-real: Asenjo, Mario Gaspar (Foyth, 78. min), Aurier, Mandi, Pedraza; Iborra, Manu Trigueros (Lo Celso, 60. min), Moi Gomez, Yeremy (Danjuma, 60. min), Chukwueze (Coquelin, 78. min) eta Alcacer (Gerard, 60. min).
1 - Athletic Club: Unai Simon, De Marcos (Zarraga, 76. min), Vivian, Yeray, Balenziaga; Berenguer (Nico Williams, 66. min), Unai Vencedor (Dani Garcia, 76. min), Vesga (Petxarroman, 27. min), Muniain; Raúl Garcia (Sancet, 66. min) eta Iñaki Williams.
Golak: 0-1, 44. min: Raul Garcia. 1-1, 60. min: Pedraza.
Epailea: Del Cerro Grande. Txartel horiak atera dizkie Pedraza Vila-realeko jokalariari eta Iñaki Williams, Dani Garcia, Sancet eta Petxarroman futbolariei.
Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.