Athleticek Superkopako finalera sailkatzea du helburu Atletico Madrilen aurkako partidan
Athleticek Espainiako Superkopako finalerdietako partida jokatuko du Atletico Madrilen aurka ostegun honetan, urtarrilaren 13an, 20:00etan. Saudi Arabiako hiriburua den Riaden jokatuko da neurketa eta finalerako txartela egongo da jokoan.
Bilboko taldea da egungo txapelduna, eta titulua berresten saiatuko da, nahiz eta ez den faboritoa. Unai Vencedor eta Unai Nuñez min hartuta daude, ezingo dute jokatu, eta deialditik at geratu dira. Gainera, Villalibre ere ez da jokatzeko prest egongo, nahiz eta aurrelaria Riaden dagoen taldearekin. Capak lesioa gainditu berri du, eta Yuri Berchiche sendatze-prozesuko azken txanpan dago. Yuriren kasuan, Marcelino entrenatzaileak esan du, laster jokatzeko prest egongo dela.
Hamaikakoari dagokionez, badirudi Zarragak beteko duela Vencedorren hutsunea, nahiz eta Vesgak ere hasieratik jokatzeko aukerak dituen. Unai Simon izango da atezaina; De Marcos, Yeray, Iñigo Martinez eta Balenziaga jokalariek osatuko dute defentsako lerroa; zelai erdian Dani Garcia eta Zarraga edo Vesga egongo dira; hegaletan Muniain eta Berenguer; eta aurrealdean Sancet edo Raul Garcia, Iñaki Williamsekin batera.
Bestalde, Atletico Madril zalantza askorekin iritsi da Superkopara. Santander Ligan emaitza txarrak pilatu ditu azken boladan, eta Txapeldunen Ligan azken jardunaldian lortu zuen multzoen fasea gainditzea. Diego Pablo Simeonek zuzentzen duen taldean Savicek eta Griezmannek ez dute jokatuko, min hartuta baitaude.
Atletico Madrilen hamaikakoari dagokionez, Oblak izango da atezaina; Hermoso, Gimenez eta Felipe egongo dira erdiko defentsa postuetan; hegaletan Llorente eta Carrasco; Koke eta Kondogbia zelai erdian; eta Lemar, Correa eta Luis Suarez aurrealdean.
Ustezko hamaikakoak:
Atletico Madril: Oblak; Felipe, Gimenez, Hermoso; Llorente, Koke, Kondogbia, Lemar, Carrasco; Suarez eta Correa.
Athletic Club: Simon; De Marcos, Yeray, Iñigo Martinez, Balenziaga; Dani Garcia, Zarraga, Berenguer, Muniain, Sancet eta Iñaki Williams.
Epailea: Cuadra Fernandez.
Estadioa: King Fahd Stadium.
Ordua: 20:00etan.
Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.