Yuri Berchichek 2024ra arte berritu du kontratua

Athletic Clubek eta Yuri Berchiche jokalariak akordioa lortu dute denboraldi honetan amaitzen den kontratua beste bi urtez luzatzeko, hots, 2024ko ekainaren 30era arte.

Defentsa zarauztarrak 106 partida jokatu ditu zuri-gorriekin, eta bederatzi gol sartu. Horietako batek, Granadan egindakoak, 2019-20 denboraldiko Kopako finalerako sailkatu zuen Athletic.

Yuri pozik agertu da akordioarekin, klubaren atarian azaldu duen bezala: "Eskerrak eman nahi dizkiet klubari eta zaleei, emozioz beteriko lau urte izan dira. Hasiera-hasieratik, oso maitatua sentitu naiz. Oso pozik nago kontratua bi urtez luzatzeaz. Etxean bezala sentitzen naiz, gauza batzuk egiteke daude".