Athleticek puntu bakarra eskuratu du Sevillaren aurka
Athleticek golik gabe berdindu du (0-0) Sevillaren aurka Lezaman jokatu duen Primera Iberdrola Ligako 13. jardunaldiko partida. Ondorioz, 20 punturekin geratzen da talde bizkaitarra sailkapenean.
Talde zuri-gorria hobeto kokatuta egon da Lezamako berdegunean hasierako minutuetan, baina lehen abagunea Sevillak izan du 15. minutuan, Comettik langara bota duen erremate batekin. Hurrengo jokaldian etorri da Athleticen erantzuna, Cata atezainak gelditu duen Ainhoa Morazaren jaurtiketaren bitartez. Bi minutu beranduago, epaileak baliorik gabe utzi du Damaris Egurrolaren gola, Athleticeko jokalariak falta egin baitu errematatu aurretik. Yulema Corresek egin duen saiakera bat izan da lehen zatiko azken aukera.
Bigarren zatia trabatua izan da, eta abagune gutxikoa. Athletic izan da gola bilatzen gehien saiatu dena. Hala ere, abagune guztiak erdiraketen bitartez etorri dira, eta zuri-gorriek ezin izan dute aurkariaren ate aurrean asmatu. Ane Azkonak kanpora bidali du errematea 55. minutuan, eta Yulema Corres ez da gola sartzeko gai izan 80. minutuan, Nekane Diezen pase bat jaso ostean.
Fitxa teknikoa:
Athletic Club: Andrea de La Nava; Moraza (Eunate, 46. min), Vanesa Gimbert, Andrea Sierra, Oihane; Azkona (Nekane, 70. min), Marta Unzue (Valdezate, 77. min), Damaris, Maite Oroz; Lucia Garcia eta Yulema Corres (Cirauqui, 90. min).
Sevilla: Cata Coll; Pancha Lara, Isabella, Bores, Aldana Cometti, Zdunek (Almudena, 89. min), Kalknor, Olga Carmona (Sabina Flores, 92. min), Raquel Pinel (Yanara Aedo, 77. min), Payne eta Karpova (Nagore Calderon, 70. min).
Zure interesekoa izan daiteke
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.
Athleticeko Kudeaketa Batzordeak ofizialki deitu ditu hauteskundeak maiatzaren 8rako
Hautagaitzak "formalki eta osorik" aurkezteko epea apirilaren 9an hasi eta hilaren 18an amaituko da.