Athleticek Real Madrilen aurka galdu eta atzerapausoa eman du Europarako lehian
Athleticek porrota jaso du Real Madrilen aurka (3-0) Santiago Bernabeun. Ondo eutsi dio talde zuri-gorriak lehen zatiari, baina bigarren zatian aurkaria nagusi izan da, eta ezin izan du ezer egin. Atzerapausoa eman du talde bizkaitarrak Europarako postuetan sartzeko.
Real Madril izan da baloiaren jabe hasierako minutuetan, baina ez du abagune argirik sortu, Athletic ondo ibili delako defentsako lanean. Cordobak bigarren minutuan ikusi du txartel horia, eta Yurik 15. minutuan. Ezker hegaletik jokatzen duten bi jokalariek kontu handiz ibili behar izan dute ordutik aurrera. Marcelok gora bota duen jaurtiketa bat, eta Keylor Navas atezainak gelditu duen Raul Garciaren errematea izan dira talde bakoitzak sortutako abagune bakarrak.
Bigarren zatiari bizi ekin diote Real Madrilek eta Athleticek. Zuri-gorriek aurrea hartzeko aukera izan dute, baina Cordobak ez dio goleko pasea ondo eman Williamsi, eta Varanek eragotzi du Athleticeko aurrelariaren errematea. Hurrengo jokaldian, Real Madrilek abagune argia izan du, eta Benzemak 1-0ekoa sartu du.
Erasora jo du Athleticek gola jaso ostean, baina baloia ondo mugitu eta jokaldi onak lotu arren, ez du azken pasean asmatu. Raul Garciak area kanpotik egin du jaurtiketa, eta Keylor Navas atezainak arazorik gabe harrapatu du.
Real Madrilen aldeko korner batean aldaketa bikoitza egin du Gaizka Garitanok; Aduriz eta Unai Lopez zelairatu ditu, Cordobaren eta Raul Garciaren ordez. Aldaketa aurkako korner baten egitea garesti ordaindu du talde zuri-gorriak, Benzemak 2-0ekoa sartu baitu Herrerin atezainaren hutsaren ostean baloia buruz sare barrura bidalita.
Bigarren golarekin erabakita utzi du neurketa Real Madrilek. Athletic saiatu da aldeak murrizten, baina Williamsek 86. minutuan egin duen erremateari erantzun paregabea eman dio Keylor Navas atezainak, zuri-gorrien gola eragotzita. Neurketako 90. minutuan, Real Madrilek garaipena biribildu du, Benzemanren hirugarren golaren bitartez (3-0). Hat-tricka egin du frantziarrak. Herrerinek huts galanta egin du berriro, eta gola opartitu dio Real Madrileko jokalariari. Amaieran, Zidanek zuzentzen duen taldea atera da garaile, eta Athletic esku-hutsik joan da Santiago Bernabeutik.
Fitxa teknikoa:
Real Madril: Navas; Carvajal, Varane, Vallejo, Marcelo; Casemiro, Modric, Kroos (Isco, 69. min); Lucas Vazquez (Bale, 69. min), Asensio (Brahim, 84. min) eta Benzema.
Athletic Club: Herrerin; Lekue, Yeray, Iñigo Martinez, Yuri; San Jose, Beñat, Muniain, Cordoba (Unai Lopez, 75. min); Raul Garcia (Aduriz, 75. min) eta Williams.
Golak:
1-0, 47. min: Benzema.
2-0, 76. min: Benzema.
3-0, 90. min: Benzema.
Epailea: Melero Lopez. Txartel horiak atera dizkie Kroos (69. min) eta Navas (82. min) Real Madrileko jokalariei, baita Athleticeko Cordoba (3). min, Yuri (15. min), Raul Garcia (45. min) eta Iñigo Martinez (53. min) futbolariei.
Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.