Athleticek berdindu egin du gehiago merezi izan duen lehian (1-1)
Athleticek eta Valentziak bana berdindu dute (1-1) asteazken honetan, San Mamesen. Puntu banaketa horrek ez die balio zuri-gorriei Europan aritzeko txartela eman dezakeen zazpigarren postuaren bila dabiltzan taldeekin bat egiteko, ezta valentziarrei ere Real Madrilengana gehiago hurbiltzeko ere.
Dena den, zuri-gorriak katedralean jokatutako aurreko beste norgehiagoketan azaldutakoa baino jokamolde hobea erakutsi dute, eta bisitariak baino gertuago egon dira hiru puntuan eskuratzetik, Marcelinoren mutilek baino abagune gehiago izan baitituzte; izan ere, kanpotarrek eduki duten aukera apurretako batean egin dute euren gola.
Zigandaren mutilek izan duten aukera garbienetakoa Adurizek lehen zatiaren erdialdera sartu ez duen penaltia izan da, markagailuak 0-1ekoa islatzen zuen une horretan. Susaeta area barruan sartu da eta Murillo aurretik gurutzatu zaio haren hanka joaz. Epaileak garbi ikusi du eta penaltia adierazi du, baina Athleticeko aurrelari donostiarrak ez du gola erdietsi Neto atezainak asmatu egin baitio jaurtiketaren kokalekua.
Horren aurretik, Geoffrey Kondogbia erdilari frantziarrak aurretik jarri du Valentzia, lehen zatiko 23. minutuan, area kanpoaldetik egindako ondo kokatutako jaurtiketa baten bitartez. Ondoren, bigarren zatia hasi eta berehala (49. minutuan) Oscar De Marcosek oreka eraman du markagailura, hark ere area kanpotik egindako ahalegin bat baliatuta.
Bi taldeek lan handia egin dute zelaian, ikusteko atsegina izan den lehian, eta, aipatu legez, hurbilago egon 2-1ekoa 1-2koa baino. Emaitza horrekin Valentziak laugarren tokian jarraituko du, eta zuri-gorriak hamabigarren, 32 punturekin.
Fitxa teknikoa:
Athletic 1: Kepa; De Marcos, Unai Nuñez, Iñigo Martinez, Saborit; Susaeta (Williams, 63. min) San Jose, Beñat, Cordoba; Raul Garcia (Lekue, 77. min) eta Aduriz.
Valentzia 1: Neto; Vezo, Murillo, Gabriel Paulista, Gaya; Ferran (Guedes, 75. min), Parejo, Kondogbia, Coquelin; Vietto (Rodrigo, 70. min) eta Zaza (Carlos Soler, 83. min).
Golak: 0-1, 23. min: Kondogbia. 1-1, 49. min: De Marcos.
Epailea: Gil Manzano (Extremadura). Txartel horiak: Cordoba (Athletic); Zaza eta Murillo (Valentzia).
Zure interesekoa izan daiteke
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.
Athleticeko Kudeaketa Batzordeak ofizialki deitu ditu hauteskundeak maiatzaren 8rako
Hautagaitzak "formalki eta osorik" aurkezteko epea apirilaren 9an hasi eta hilaren 18an amaituko da.