Athleticek ez du ezustekorik nahi Spartaken aurrean
Athleticek Spartak Mosku izango du aurkari gaur (21:05), San Mamesen, Europa Ligako final-hamaseirenetako itzuliko partidan. Joanekoan eskuratutako aldeko emaitzarekin (1-3) zelairatutako dira bilbotarrak, baina mesfidati, Moskukoa talde ona baita, eta Errusiatik etorritako jarraitzaile ugariren laguntzarekin zuri-gorriek bizi duten bolada eskasari etekina ateratzen saiatuko dira.
Urtarrilaren 7tik Ligan lehiarik irabazi ezinik dabilen Athleticek (orduko hartan 2-0 irabazi zion etxean Alavesi) denboraldiko ibilbide zalantzatia zuzentzeko aukera gisa ikusten du Europa Liga. Moskun bilbotarren alderdirik atseginena azalarazi zen, Europako gau handiak oroimenera ekarri zituena, zale zuri-gorriek aurten oraindik ikusi gabe zutena, hain zuzen ere.
Dagoeneko sei jardunaldi dira jarraian garaipenik lortu gabe Ligan, baina 1-3koak animoz bete zituen 'Kuko' Zigandaren mutilak, eta, orain, eskura dute kanporaketa euren alde erabakitzea eta ostiralean egingo den final-zortzirenetako zozketan egotea.
Alabaina, horretarako ezustekoa emateko gertu etorri den Spartaki aurre egin beharko diote.
Itxura guztien arabera, joaneko norgehiagokan bi gol sartu zituen Aritz Aduriz ez da jokatzeko gertu egongo, nahiz eta Zigandak deialdian sartu duen. Bilbotarren entrenatzaileak 20 jokalariko deialdia eman du, hots, printzipioz, jokatzeko moduan dauden jokalari guztiak.
Zuri-gorriei beste gol bat gehiago sartzea falta izan zitzaien kanporaketa behin betiko erabakita uzteko; ordea, Sabin Merinok ez zuen 1-4koa sartu luzapenean, Rebrov atezainarekin aurrez aurre geratu zenean, baina ez zuen asmatu. Huts egite horrek eta Luiz Adrianok etxekoen alde egindako golak ikusmin apur bat jarri dio kanporaketari.
Balizko hamaikakoak:
Athletic Club: Iago Herrerín; De Marcos, Yeray, Etxeita, Lekue; Merino, Iturraspe, Mikel Rico, Susaeta; Raúl García eta Williams.
Spartak Mosku: Rebrov o Sélikhov; Kombárov, Tasci, Kutépov o Bodchetti, Yéschenko; Fernando, Zobnin, Glushakov, Hanni edo Samédov; Promes eta Luiz Adriano.
Epailea: Tobias Stieler (Alemania).
Zelaia: San Mamés.
Ordua: 21:05.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.