De Marcos baja da hurrengo partidarako; Kepak min hartuta jarraitzen du
Oscar De Marcosek min hartu zuen Alavesen aurkako derbian eta Athleticek jakinarazi duenez, Guardiakoari "egindako azterketa osagarrien ostean, hurbileko lesio miotendinoso moderatua antzeman zaio eskuin hankako iskiosuraletan. Baja izango da hurrengo partidan eta bere sendatze-prozesua hurrengo egunetako bilakaeraren araberakoa izango da".
Bestalde, Kepa Arrizabalaga atezainak bakarka entrenatzen jarraitzen du, min hartuta segitzen duelako. Klub zui-gorriak, mediku-oharra plazaratu du Keparen lesioaren bilakaerari buruz: "Ondoezak segitzen du eskuin oineko bigarren metatartso-hezurrean. Scanner berri bat egin zaio gaurkoan eta ez da aldaketarik igartzen pasa den hilabetekoarekin alderatuz. Gimnasioan egiten du lan eta fisioterapia tratamendua jasotzen ari da".
Mikel Balenziagak ere bere sendatze-prozesuarekin jarraitzen du. Athleticek jakinarazi duenez, Balenziagak "lasterka egiteari ekin dio eta lan gehiago egiten ari da gimnasioan. Hobera doa eta ez dira inolako arazorik agertu".
Muniain Lezamako zelaietara irten da
Astelehen honetan, Iker Muniain Lezamako zelaietara irten da lehen aldiz 2017ko irailaren 28an lesionatu zenetik. Baloia ukitu du, eta korrika ibili da bere sendatze-prozesuarekin jarraituz. Klubak argitaratu duenez, Muniaini "azterketa berri bat egin zaio ebakuntza jasan zuen belaunean, arazorik gabe. Hobera doa bere berregokitze prozesuan eta hemendik aurrera lan gehiago egingo du zelaian".
/strong>Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.