Athleticek Espanyoli irabazi dio eta Europako postuetan sartu da
Athleticek garaipen garrantzitsua lortu du Espanyolen aurka (2-0) San Mamesen eta Europako postuetan sartu da, 30 jardunalditan 50 puntu lortuta. Seigarren da talde zuri-gorria, bosgarren postuan den Vila-realengandik puntu bakarrera eta puntu bat ateratzen di zazpigarren postuan dagoen Realari.
Partidako lehen minutuak baloiaren jabe zein talde egingo den jakiteko izan dira. Bi taldeei kosta egin zaie norgehiagokari erritmoa jartzea, baina 10. minututik aurrera Athetic egin da baloiaren jabe. Baloi jabetza izaten hasi den arren Espanyolek eman du lehen abisua langa gainetik kanpora joan den Diego Reyesen erremate baten bitartez. Bi minutu beranduago Muniain Espanyolen arean sartu da, eta Victor Sanchezek penaltia egin dio. Epaileak argi ikusi eta penaltia adierazi du. Aritz Adurizek hartu du jaurtiketa egiteko erantzunkizuna eta 1-0koa sartu du. Gola sartuta jaun eta jabe izan da etxeko taldea eta Espanyolek ezer gutxi egin du, baina 28. minutuan berdinketa lortzeko abagunea izan du oso gutxigatik kanpora joan den Alvaroren falta jaurtiketaren bitartez. Eroso ibili da Athletic lehen zatian eta bigarren gola sartzeko aukera izan du 35. minutuan; Beñaten jaurtiketa ona, ordea, Diego Lopez atezainak desbideratu du. Bi minutu beranduago, 37.ean, Adurizek 2-0koa sartu du Beñaten erdiraketa bikaina buruz sare barrura bidalita. Atsedenaldira iritsi orduko Espanyolek aldeak murrizteko aukera izan du, baina Kepa Arrizabalaga atezainak perikitoen gola eragotzi du David Lopezen erremateari erantzun bikaina emanda.
Bigarren zatian Athletic erabat nagusi izan da, eta Espanyol ezinean ibili da. Kataluniako taldeak ez du abagune bakar bat ere sortu bigarren 45 minutuetan eta Valverdek zuzentzen duen taldeak kontrolpean izan du norgehiagoka. Zuri-gorriek ez dituzte abagune asko izan, baina ez du arazorik izan defentsako lanean. Aritz Adurizek hirugarren gola sartzeko aukera garbia izan du 79. minutuan; Espanyoleko defentsak huts egin du, baloia aurrelari gipuzkoarrari iritsi zaio, eta Diego Lopezen aurrean langara bidali du jaurtiketa. Azken txanpan Iñaki Williamsek gertu izan du gola, baina bere errematea kanpora joan da, gurutzatuegi. Amaieran, 2-0eko emaitzarekin nagusitu da Athletic.
Fitxa teknikoa:
2 - Athletic: Kepa; De Marcos, Yeray, Laporte, Saborit; Iturraspe, Beñat (Mikel Rico, m.81); Susaeta, Raul Garcia (San Jose, m.73), Muniain (Williams, m.62); eta Aduriz.
0 - Espanyol: Diego Lopez; Víctor Sanchez, David Lopez, Diego Reyes, Victor Alvarez; Melendo (Hernan Perez, m.46), Javi Fuego, Diop, Marc Roca (Jurado, m.46); Piatti eta Alvaro Vazquez (Caicedo, m.75).
Golak: 1-0, m.16: Aduriz, penaltiz. 2-0, m.37: Aduriz.
Epailea: Martinez Munuera.
rtinez Munuera.Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.