Kemenezko garaipena, Bartzelonaren aurka (2-1)
Athleticek Erregeen opari ederra egin dio Yeray Alvarez jokalariari, Bartzelonari 2 eta 1 irabazita, Errege Kopako final-zortzirenetako joaneko partidan. Barakaldoko atzelariari ebakuntza egin zioten iragan astean eta palkoan izan da partida ikusten.
Lehen zatiko gauzarik garrantzitsuena zuri-gorrien golak izan dira. Lehoiak jaun eta jabe izan dira lehen 45 minutuetan.
Lehen gola San Josek hasitako jokaldi baten ondorioz iritsi da. Baloia Adurizi heldu zaio eta donostiarrak buruarekin errematatu du Ter Stegenen ate barrura.
Handik bi minutura, bigarrena iritsi da. Raulek, Iturraspek eta Bovedak kataluniarren baloi irteera oztopatu dute, Aduriz orpoz pasea Williamsi eman dio eta aurrelari gaztearen erremate bortitza ezustean harrapatu du Bartzelonako atezaina.
Atsedenaldiaren ostean, Messik aldea murriztu du, falta bat zuzenean jaurtiz. Iraizozek ezin izan du baloia aldendu.
Ondoren, epaileak Athleticeko bi jokalari kaleratu ditu bi txartel hori aterata: Raul Garcia 72. minutuan, eta Iturraspe, 80.ean. Ondorioz, Bartzelonak neurketaren kontrola izan du, eta erasoan aritu da jo eta ke, baina ezin izan dute bigarren gola egin.
Final-zortzirenetako kanporaketa Nou Campen erabakiko da.
Fitxa teknikoa
2 - Athletic Club: Iraizoz; Bóveda, Etxeita, Laporte, Balenziaga; Raúl García, San José, Iturraspe, Saborit (Muniain, 68. min); Williams (Elustondo, 83. min) eta Aduriz (Eraso, 78. min).
1 - Bartzelona: Ter Stegen; Sergi Roberto, Piqué, Umtiti (Alcácer, 87. min), Jordi Alba; Busquets, Rakitic (André Gomes, 71. min), Iniesta; Messi, Suárez eta Neymar.
Golak: 1-0, 25. min: Aduriz. 2-0, 28. min: Williams. 2-1, 52. min: Messi.
52. min: Messi.Zure interesekoa izan daiteke
Athleticek hamarrekin irabazi du Logroñon (0-1)
Athletic Clubek bigarren garaipena jarraian lortu du F Moeve Ligan igande honetan Logroñori etxetik kanpo irabazita, Maddi Torreren gol bati esker eta 15. minututik bat gutxiagorekin jokatu arren. (Bideoa gazteleraz).
Oihan Sancet: “Partida ikaragarria egin dugu"
Athleticek 3-0 irabazi dio Atletico Madril taldeari San Mamesen, EA Sports Ligako 4. jardunaldiko partidan. Nico Williams, Robert Navarro eta Oihan Sancet izan dira golegileak.
Athleticek garaipen handia lortu du San Mamesen, Atletico menderatuta (3-0)
Athleticen lehen bi golak bigarren zatiaren hasieran iritsi dira, bata bestearen atzetik izandako bi jokalditan; Nico Williams eta Robert Navarro izan dira golegileak. Hirugarrena, berriz, Oihan Sancetek sartu du, neurketaren azken txanpan.
Terzic: “Ez dago talde garaiezinik, eta, are gutxiago, etxean jokatzen badugu”
Athleticek Atletico Madril hartuko du larunbatean San Mamesen. Edin Terzicek adierazi du badakiela aurkariak maila handia duela, baina esan du Bilboko taldea prest dagoela onenei aurre egiteko.
Adama Boiro West Ham United taldean arituko da, Athleticek utzita
Ezker hegaleko atzelaria 2026-2027 denboraldian ibiliko da Londresko klubean; hori bai, taldek jokalaria erosteko aukera izango du. West Ham United Championshipen dabil lehian, alegia, Ingalaterrako bigarren mailan.
Unai Vencedorrek Athleticekin zuen kontratua eten eta Burgosen jokatuko du
Errekaldeko erdilariak amaiera eman dio Athleticeko etapari, 82 partida ofizial jokatuta eta Superkopa bat irabazita.
Andoni Gorosabelek Espanyolen jokatuko du, Athleticek utzita
Eskuin hegaleko atzelari arrasatearra 2026-2027 denboraldian arituko da Kataluniako klubean; gainera, Espanyolek helburuei lotutako nahitaezko erosketa-aukera du.
Iñaki Williamsek eta Unai Simonek klubarekin duten arazoaz hitz egin dute
Iñaki Williams eta Unai Simon Athletic Clubeko jokalariek jokalarien eta klubaren arteko egungo egoeraz hitz egin dute, eta atsekabea "jokalariena bakarrik ez" dela eta "elkarrizketa bat egiteke" dutela azpimarratu dute.
Iñaki Williams: “Hau da jarraitu beharreko bidea"
Athletic Clubeko jokalariak Celtaren aurkako garaipenari buruz hitz egin du (0-2) EA Sports Ligako 3. jardunaldian. Pozik agertu da taldeak egindako partida onagatik, batez ere lehen zatian.
Athleticek mamuak uxatu ditu Celtari irabaziz (0-2)
Lehen zati ikusgarria egin dute lehoiek, eta aurkaria baino askoz gehiago izan dira. Berenguer eta Navarroren golekin, denboraldiko lehen garaipena lortu dute.