Albiste da:

Iker Undabarrena, baja denboraldi osorako Bilbao Athleticen

Talde zuri-gorriko jokalariak min hartu zuen Valladoliden aurkako partidan. Athleticek jakinarazi duenez, haustura du ezker belauneko aurreko lotailuan eta barne meniskoan. Sei hilabeterako baja da.

Iker Undabarrena Valladoliden aurkako partidan lesionatu zen unea. Argazkia: EiTB

AGENTZIAK | ERREDAKZIOA

2016/02/15 - 17:38

Azken eguneratzea

2016/02/15 - 17:38

Iker Undabarrena Bilbao Athleticeko jokalariak min hartu zuen larunbateko Valladoliden aurkako partidan eta Athleticek jakinarazi duenez, baja izango da denboraldi osorako. Undabarrenak haustura du ezker belauneko aurreko lotailuan eta barne meniskoan.

Bilbao Athleticeko jokalariak 20 urte ditu, eta minutu gehien jokatu dituen seigarren jokalaria da, 1.793 minutu pilatuta. Iker Undabarrenak bi partida bakarrik galdu ditu denboraldi honetan; Almeriaren aurkakoa zigortuta egon zelako, eta Teneriferen aurkakoa arazo fisikoen eraginez. Baja garrantzitsua izango da Zigandak zuzentzen duen taldean.

n duen taldean.