Historia errepikatu egin du Bilbao Athleticek (0-1)
Alex Morenoren golak jokoan zeuden hiru puntuak eman dizkio Elxi, San Mamesen Bilbao Athleticen aurka jokatutako partidan. Bilbotarrek, gainera, penalti bat huts egin dute, eta bolada txarrari eusten diote Bigarren Mailan daudenetik.
San Mamesen jokatzen ari diren beste partidetan bezala, Bilbao Athleticek jokoa zuzendu du, baina azkenean puntuak aurkariarentzat izan dira. Elxek neurketa serioa egin du, eta arrisku handia sortu du.
Zuri-gorriek ez dute batere zorterik aurten, penaltiak ere sartu ezinik dabiltza. Orain arte lau bota dituzte, eta ez dute bat bera ere asmatu. Gaur Ager Aketxe izan da kale egin duena. Aurreko partidetan, Iker Guarrotxena (birritan) eta Unai Lopez ez dira baloia atean sartzeko gai izan.
Emaitza honekin, bizkaitarrak gero eta zailago dute sailkapeneko azken postutik ateratzea. 10 puntura dute salbazioa jada.
Fitxa teknikoa:
0 - Bilbao Athletic: Remiro; Etxeberria, Yeray (Seguín, 65. min), Ramalho, Gil, Iriondo; Unai López (Jon Ander, 90. min), Undabarrena, Vesga (Guarrotxena, 73. min); Aketxe; eta Santamaría.
1 - Elche CF: Javi Jiménez; Caro, Armando, Lolo (Isidoro, 23. min), Álex Martínez; Espinosa (Hugo Fraile, 76. min), Ilie, Mandi, Álex Moreno; Héctor (Eldin, 59. min) eta Sergio León.
Golak: 0-1, 59. min: Alex Moreno.
Zure interesekoa izan daiteke
Athleticek Patricia Zugasti berritu du 2026-2027 denboraldirako
2023ko udan ailegatu zen Lezamara Riezuko aurrelaria, CA Osasunatik.
Edin Terzic: “Ohore bat da eta oso harro sentiarazten nau Athleticekoa izateak”
Athleticek entrenatzaile berriaren irudiak zabaldu ditu Lezama ezagutuz. Alemaniarrak ez du zalantzarik izan eta zaleei mezu bat bidali die: "San Mames sentitzeko irrikaz nago".
Javi Lerga ez da Athleticen entrenatzaile izango aurrerantzean
Nafarrak denboraldi bat eman du klub zuri-gorriaren lehen taldea entrenatzen.
Jon Uriarte, Athleticen gizonezkoen taldeak 2025-2026 denboraldian egindakoaz: “Etsigarria izan da”
Bilboko klubearen presidenteak eta Mikel Gonzalez Futboleko zuzendariak agerraldia egin dute, asteartean, San Mamesen, denboraldiaren gaineko hausnarketa egitea helburu. Uriartek eta Gonzalezek, Athleticen lehen taldeak egindakoaz gain, Edin Terzic entrenatzaile berria eta Nico Williams ere izan dituzte hizpide, besteak beste.
Jon Uriarte: “Saiatu behar gara dugun talentua bertan gera dadin”
Jon Uriarte Athleticen presidenteak taldeak egindako denboraldiaren balorazioa egin du astearte honetan, prentsaurrekoan. Aurreikusitakoa baino sasoi okerragoa egin dutela onartu du.
Irene Oguizak Athleticekin berritu du, 2029ra arte
Klub zuri-gorriaren lehen taldeko kapitainak hiru urtez luzatu du bere kontratua. Oguizak zazpi denboraldi daramatza goreneko mailan, Athleticen denak, eta, epe horretan, 113 partida ofizial jokatu ditu, 14 gol sartuta.
Unai Egiluzi beste ebakuntza bat egin diote eskuin belaunean
Orain dela hamar hilabete egindako ebakuntzan jarritako mentua ordezkatu diote, entrenamendu batean hautsi egin zitzaiolako.
Iñaki Williams, Munduko Txapelketarako, Ghanaren deialdian
Horrenbestez, lau izango dira Munduko Txapelketan parte hartuko duten jokalari zuri-gorriak.
Athleticek iragarri du Nerea Nevadok, Maite Zubietak eta Marta Sanadrik ez dutela taldean jarraituko
Nevadok eta Zubietak klub zuri-gorriarekin berritzeko aukera zuten, eta ez dute onartu; Sanadrik ere, 2025-2026 denboraldian Alavesen utzita jokatu ostean, ez du Bizkaiko taldean jarraituko.
Athleticek Alhama jipoituz itxi du liga (4-1)
Athletic Clubek 4-1 irabazi dio Alhamari Lezaman jokatu den F Moeve Ligako azken jardunaldiko partida. Daniela Agotek, Ane Camposek (2) eta Jone Amezagak egindako golek garaipena eman diete zuri-gorriei, eta denboraldiari zapore onarekin agur esan diote.