Athleticek bolada onari eutsi dio Betisi irabazita
Athleticek 1-3 irabazi dio Betisi Benito Villamarin zelaian eta bolada onari eusten dio talde zuri-gorriak. Gainera, talde bizkaitarrak Ligan etxetik kanpora lortzen duen lehen garaipena izan da. Hiru puntu hauekin, Athletic Europa Ligako postuetatik gertu kokatu da.
Hasieratik Athletic erasokor zelairatu da, ez ordea etxeko taldea. Betisi asko kosta zaio partidan sartzea eta zuri-gorriak horretaz baliatu dira. Seigarren minutuan, San Josek ezin izan du errematea behar bezala egin Beñatek erdiratutako baloi on batean, baina bi minutu beranduago, Williamsek 0-1ekoa sartu du. De Marcosek jokaldi bikaina egin du hegaletik, pase dotorea eman eta aurrelari bilbotarrak ez du Adan atezainaren aurrean barkatu.
Lehen gola sartu ostean, Valverdek zuzentzen duen taldeak aldeak handitzeko abagune mordoa izan ditu, baina zuri-gorriak ez dira fin ibili Adanek defendatzen duen ate aurrean. Atsedenaldirako minutu bakarra falta izan denean, ordea, Athleticek bigarren gola lortu du. Oraingoan ere Williams izan da golegilea (0-2). Gol bikaina sartu du, orpoz.
Atsedenaldiaren ostean, Betisek bere jokoa hobetu du, eta lehen abagunea sevillarrena izan da. Molinerok jaurtiketa egin eta Athleticeko defentsak baloia aldentzea lortu du. Talde bizkaitarrak ez du lehen zatian beste agindu, baina Betisek ere ez du asko egin. 56. minutuan, Raul Garciak langara bidali du jaurtiketa, ondoren Williamsek baloia galdu du, Betisek kontraerasoa antolatu eta epaileak andaluziarren aldeko penaltia adierazi du. Penaltia argia izan da Williamsek baloia eskuarekin moztu baitu area barruan. Ruben Castrok jaurti du penaltia eta aldeak murriztu ditu (1-2).
Betis gora etorri da gola sartu ostean eta Athletici pixka bat sufritzea tokatu zaio. Etxeko taldeak ez ditu abagune gehiegi sortu, baina 71. minutuan gola lortzetik gertu egon da. Hala ere, Ruben Castrok ezin izan du errematea egin Van Wolfswinkelek pase bikaina jaso ondoren.
Partida irekita egon da 87. minutura arte. Orduan, Raul Garciak area kanpotik jaurtiketa ona egin eta 1-3koa sartu du. Hirugarren golak partida erabakita utzi du, eta Athleticek hiru puntuak lortu ditu.
Fitxa teknikoa:
1 - Betis: Adan; Piccini, Bruno, Pezzella, Molinero (Varela, 56. min); Joaquin, N'Diaye, Dani Ceballos (Jorge Molina, 82. min), Portillo (Digard, 46. min); Van Wolfswinkel eta Ruben Castro.
3 - Athletic: Iraizoz; De Marcos (Boveda, 51. min), Etxeita, Laporte, Balenziaga; San Jose, Beñat (Elustondo, 87. min); Williams (Lekue, 78. min), Raul Garcia, Sabin Merino; eta Aduriz.
Golak: 0-1, 8. min, Williams. 0-2, 45. min: Williams. 1-2, 67. min: Ruben Castro, penaltiz. 1-3, 86. min: Raul Garcia.
Epailea: Jose Luis Gonzalez Gonzalez.
lez.Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.