Athleticek garaipen garrantzitsua lortu du Valentziaren aurka
Athleticek garaipen garrantzitsua lortu du Valentziaren aurka (3-1) San Mamesen. Hiru puntuak eskuratu ostean, talde zuri-gorriak arnasa hartzen du BBVA Ligako sailkapenean, geldialdiaren aurretik.
Lehen zatia erritmo biziarekin hasi da, eta Athleticek eman du lehen abisua. Lehen jokaldian, Beñatek jaurtiketa ona egin eta Domenech atezainak erantzun bikaina eman dio. Valentziaren erantzuna, 16. minutuan iristi da. Feghoulik area kanpotik jaurtiketa indartsua egin du, eta Iraizozek baloia desbideratzea lortu du gelditu bikain baten bitartez. Lehia parekatuta egon da hasierako minutuetan, baina Valentziak sartu du partidako lehen gola. Parejok falta bat maisuki jaurti eta 0-1ekoa egin du.
Gola sartu ostean Valentzia izan da baloiaren jabe, baina Athleticen ate inguruan arrisku handiegia sortu gabe. Zuri-gorriei kosta egin zaie Valentziaren gola barneratzea, baina pixkanaka partidan sartzen hasi dira berriro. Valverdek zuzentzen duen taldeak erasora jo du berdinketaren bila eta saria 33. minutuan iritsi zaie. Beñatek kornerra erdiratu, Valentziako defentsak ukitu eta Laportek sare barrura bidali du errematea (1-1).
Berdinketarekin Athletic berriro nagusi izan da, eta bigarren gola sartzeko aukera izan du atsedenaldira iritsi baino lehen, baina Raul Garciak ezin izan du area barruan errematea egin.
Bigarren zatiaren hasieran Negredok Valentziaren bigarren gola sartzeko abagune bikaina izan du, baina Iraizozi izkin egin ostean jaurtiketa langa gainetik kanpora bidali du. Jarraian, Athleticeko atezainak erantzun bikaina eman dio hegaletik etorri den erdiraketa bati.
Valentzia nagusi izan da atsedenaldiaren osteko lehen minutuetan. Athleticek momentu txarrak pasa ditu partidako tarte horretan, baina talde bizkaitarra unerik txarrenean egon denean, zuri-gorriek jokaldi bikaina egin dute 60. minutuan eta Susaetak 2-1koa sartu du. Adurizek pase dotorea eman dio jokalari eibartarrari eta honek ez du barkatu Domenech atezainaren aurrean.
Markagailuan aurrea hartu ondoren, Athletic berriro nagusi izan da. Valverdek zuzentzen duen taldea baloiaren jabe egin da, eta aurkariaren ate inguruan arriskua sortzen hasi da. Horrela, 69. minutuan, Raul Garciak pase bikaina eman dio Adurizi eta Athleticeko aurrelariak 3-1koa sartu du.
Azken minutuetan, Valentziak ez ditu abagune argiak sortu eta Athleticek ez du emaitza mantentzeko arazorik izan.
Fitxa teknikoa:
3 - Athletic Club: Iraizoz; De Marcos, Etxeita, Laporte, Balenziaga; San Jose, Beñat (Mikel Rico, 87. min; Susaeta, Raul Garcia (Eraso, 84. min), Williams (Sabin Merino, 71. min); eta Aduriz.
1 - Valenzia: Jaume Domenech; Cancelo, Mustafi, Vezo, Orban; Javi Fuego, Parejo, André Gomes (Rodrigo, 82. min); Feghouli, Bakkali (Rodrigo de Paul, 65. min) eta Negredo (Alcacer, 65. min).
Golak: 0-1, 20. min: Parejo. 1-1, 34. min: Laporte. 2-1, 60. min: Susaeta. 3-1, 69. min: Aduriz.
Epailea: Estrada Fernandez.
rada Fernandez.Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.