Hutsegiteek gogor zigortu dute Athletic Holandan (2-1)
Athletic esku-hutsik itzuli da Holanda aldetik, AZ Alkmaar taldearen aurka Europa Ligako multzoetako fasean 2-1 galdu ostean. Zuri-gorriek hutsegite nabarmenak egin eta garesti ordaindu dituzte. Aukera argiak sortu dituzte, baina azken metroetan kale egin dute.
Lehen zatian aukera garbiak izan dira bi taldeentzat, baina, golik sartu ez arren, zuri-gorriak izan dira nagusi. Lehen abisua Borja Viguerak eman du 12. minutuan, baina penalti puntutik egindako jaurtiketari erantzun ona eman dio Coutinho atezainak.
Hala ere, gola egiko aukerarik nabarmenena etxeko taldeak izan du. Rienstraren jaurtiketak langan jo du 29. minutuan. Arriskua ez da hor amaitu eta Gurpegik baloia gol-marratik atera behar izan du.
Erasok eta Aketxek izan dituzte ondoren aukerak, baina horiek ere huts egin dute errematatzerako orduan.
Atsedenaldiaren ostean, eta lehoiek izandako 10 minutu txarrak aprobetxatuta, Alkmaar 2 eta 0 aurreratu da markagailuan, aitaren batean. Lehen gola 54. Minutuan egin du Henriksenek, Athleticek erasoan egindako hutsari etekina aterata. Bizkaitarrak lekuz kanpo harrapatu dituzte.
Egoera ikusita, Valverdek eserlekuko jokalariak mugitu diti: Williams, Aduriz eta Raul Garcia zelairatu ditu, Aketxeren, Iturrasperen eta Kike Solaren ordez. Baina ez da nahikoa izan. 65. minutuan, Haspek arrisku gutxiko jaurtiketa egin du, baina baloiak Eneko Bovedaren gorputzean jo du eta Herrerinen atean sartu da. 2 eta 0.
Azken ahalegina
Azken txanpan Athleticek gora egin du, berdinketaren golaren bila. Aritz Adurizek itxaropenari eutsi dio, gol ederra sartuta, 75. minutuan. 83.ean, ustez penaltia egin diote Iñaki Williamsi, baina epaileak ez du ezer adierazi. Ondoren, aurrelari gaztea neurketa berdintzear izan da txilenaz egindako erremate baten bidez, baina baloia kanpora atera da, gutxigatik.
Azkenean, 2-1 AZ Alkmaar garaile. Talde holandarrak eta Athleticek hiruna puntu dauzkate L multzoko sailkapenean. Partizan da lider berria, 6 punturekin, gaur Augsburgi 1-3 irabazi ostean. Alemaniarrak, berriz, laugarren eta azken postuan dira, punturik gabe.
Fitxa teknikoa:
2 - AZ Alkmaar: Coutinho; Johansson, Gouweleeuw, Van der Linden, Haps; Rienstra, Van Overeem, Tankovic (Lukassen, 76. min), Henriksen; Dabney Souza (Haye, 87. min) eta Janssen (Jahanbakhsh, 78. min).
1 - Athletic: Iago Herrerín; Bóveda, Gurpegui, Laporte, Lekue; Iturraspe (Raúl García, 63. min), Mikel Rico; Aketxe (Williams, 57. min), Eraso, Viguera; eta Sola (Aduriz, 63. min).
Golak: 1-0, 55. min: Henriksen. 2-0, 65. min: Bovedak, bere atean. 2-1, 75. min: Aduriz.
5. min: Aduriz.Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.