Josu Urrutia: '40 eta 80 euro artean balioko dute 26.000 bat sarrerak'
Josu Urrutiak, Athleticeko residenteak, Kopako Finalari buruzko datu batzuk azaldu ditu prentsaurrean. Presidentearen arabera, sarrera gehienek, 26.000 inguru, 40 eta 80 euro arteko prezioa izango dute. Taldeak "sarrera kopuru bikoitza" zuen arren, aurreko finalan izandako kopuru berarekin geratu dela azpimarratu du: 3.000.
Hona hemen presidenteak esandakoa:
Sarrerak
"Atzo sarrera gehienak 40 eta 80 euro artean egoteko borrokatu genuen, eta lortu dugu. Animazio harmaila bat izango da finalean, eta jendea han egotea erraztuko dugu. Zozketa gardena izatea nahi dugu."
Zelaiaren aukeraketa
"Amorrua ematen dit kirol arloari buruz ez hitz egiteak, eta zelaiaren gaiarekin gora eta behera egotea. Hiru final jokatu ditugu azken urteetan, Txapeldunen Ligan egon gara... Harritzen nau zeri ematen diogun garrantzia eta zeri ez. Taldearen esfortzua baloratu behar da."
Athletic Hiria
"Bihar erabakiko da Athletic Hiria non jarri. Oraindik ez dago ezer. Garrantzitsuena guretzat segurtasuna da, zelaitik hurbil egotea baino, jende asko egongo delako."
Ernesto Valverde eta jokalariak
"Oso pozik gaude Ernesto Valverderekin. 2 urteko epeak izaten ohi ditu berak taldeekin. Geroago hitz egingo dugu, momentu aproposa heltzen denean. Athleticentzat hobea dena erabakiko dugu."
"Iraolari eta Gurpegiri urriaren 25ean esan genien geure asmoa zela beraiekin kontatzea. Erabakiko zutela erantzun zuten. Hilabete eta erdi daukate oraindik."
"Ez zaigu heldu Osasunaren interesik Kike Sola lagatuta joateko."
"Pozik gaude Laporte hemen jarraitzeaz. Oso jokalari ona da. Ez zaigu Laporten inguruko eskaintzarik iritsi."
"Futbol taldeetan bere ibilbidea hasi eta bukatu duten jokalariei zuzendutako" sari bat emangu dutela urtero iragarri du Josu Urrutiak. Lehenengoa Le Tisierri emango diote, Southamptonekoa.
Zure interesekoa izan daiteke
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
Maddi Torrek Athleticekin berritu du, 2027ra arte
30 urteko erdiko atzelaria, Donostian jaioa eta Sopelan hazia bera, Athleticetik irten zen 2016an, 2015-2016 denboraldiko Liga irabazita, eta 2023an klub zuri-gorrira bueltatu zen: “18 urte nituen adina energia daukat, anbizio bera”, nabarmendu du, berritu eta gero.
Senideek, lagunek eta Athleticeko jokalari ohiek azken agurra eman diote Carmelo Cedrun atezain zuri-gorriari
Bertaratutakoen artean talde bilbotarreko zuzendariak zeuden, Jon Uriarte presidentea buru zutela, eta Athleticeko jokalari ohi ugari, hala nola Dani, Andoni Goikoetxea edo Jose Angel Iribar, Carmelo Cedruni zuri-gorrien atean lekukoa hartu ziona.
Edin Terzicek aurreneko aldiz zuzendu du entrenamendua Lezaman
Asteartean aurkeztu zuten entrenatzaile alemaniarraren esanetan, Athleticeko 29 jokalari aritu dira, denboraldiaurrean lehenengoz, klub zuri-gorriaren instalazioetan.
Unai Gomezek Udinesekin sinatu du, Athleticek salduta
Erdilari bermeotarrak, 23 urtekoa bera, Athleticeko lehen taldean 117 partida ofizial jokatuta utzi du klub zuri-gorria; 2023an egin zuen debuta Lehen Mailan. Athleticek zehaztu du kopuru finko bat eskuratuko duela transferentziagatik, eta aldagai ekonomikoak gordetzen dituela helburuen, etorkizuneko salmentaren ehunekoaren eta lehentasunez erosteko eskubidearen arabera.
Edin Terzic Athleticen entrenatzaile berria, bere aurkezpenean: “Lehenengo erantzuna Lezama da”
Alemaniarrak, asteartean, aurrenekoz egin du agerraldia talde zuri-gorriaren entrenatzaile bezala, Bilbon. Terzicek nabarmendu du ez duela fitxaketarik eskatu, uste baitu jokalari onak dituela bere esanetara, eta azpimarratu du ilusio handia duela Athleticen lan egiteagatik eta taldea San Mamesen zuzendu ahal izateagatik.
Andoni Gorosabel, denboraldiaurreko lehen lesionatua Athleticen
Hegaleko zuri-gorriak "lesio moderatua du eskuin aduktore luzean", eta "bilakaeraren zain" dago, klubak argitaratutako oharraren arabera.
Athleticek denboraldiaurreari ekin dio, jokalariei lehenengo mediku azterketak eginda
Edin Terzic entrenatzaile berriaren esanetara, talde zuri-gorriko futbolariei, Lezaman, denboraldi hasierako azterketa mediku ohikoak egiten hasi zaizkie.
Carmelo Cedrun Athleticeko atezain mitikoa zendu da
Carmelok Liga eta Kopa irabazi zituen euskal klubean, eta hamalau denboraldi eman zituen Bilboko taldean, 1950-1951 denboralditik 1963-1964 denboraldira bitartean. Guztira, 404 partida jokatu zituen Athleticekin; Raimundo Perez Lezamaren lekukoa hartu zuen, atepean, eta Jose Angel Iribarrek jaso zuen berea. 95 urte zituela hil da.
Maite Zubietak Atletico Madrilekin sinatu du 2028ra arte
Bizkaitarra Athleticen eman ditu azkeneko lau denboraldiak, 103 partida jokatuta.