San Mamesen txalo-zaparradak jaso dituzten aurkariak
San Mames estadioak, bete dituen ehun urteetan, futbola beste era batean ulertzen duela argi utzi du. Zaleak talde zuri-gorriarekin zorrotzak izan dira, baina une txarrenetan ere, beti harmailetatik animatzen egon dira. Gainera, aurkariari miresmena eta errespetua, bedurrik gabe azaldu zaio Bilboko estadio mitikoan, eta taldeek eta jokalariek zaleen oniritiza jaso dute.
Azken adibidea, Xavi Hernandez Bartzelonako jokalariarekin bizi izan da. Jokalari katalanak txalo artean utzi zuen berdegunean Athletic-Bartzelona (2-2) norgehiagokan. Erdilariak txalo-zaparrada jaso zuen baita ere, 2009ko Superkopako neurketan, eta San Mames bihotzean daramala onartu du. Xavik zaleen txaloek “oilo-ipurdia” jarri ziotela adierazi zuen.
Juan Carlos Valeronek ere, txalo-zaparradak jaso izan ditu San Mamesen, behin baino gehiagotan. Kanariarra, BBVA Ligako jokalaririk beteranoetarikoa da, eta duen klasearekin zaleen txaloak jaso izan ditu, Deportivoren elastikoarekin.
Athletic-Manchester 2012ko Europa Ligako kanporaketa bizi izan zutenek, ez dute erraz ahaztuko Ryan Giggsek jaso zuen txalo-zaparrada. Galeseko jokalariak estadio askotan txalok jasotzen ditu, baina agurtzeko zaleak zutik jarri ziren San Mamesen, Manchester Unitedeko zaleen harridurarako. Patrice Evra 'deabru gorrien' kapitainak ere, zaleak eta euren jarrera txalotu zituen, Giggsek berdegunea uzten zuen bitartean.
San Mamesetik izar asko pasa dira, eta horietako batzuek zaleen onespena jaso dute. Di Stefanok eta Cruyffek txalo-zaparradak jaso zituzten Real Madrilen eta Bartzelonaren elastikoarekin. Zinedine Zidane frantziarrak ere, merezitako txaloekin utzi zuen ‘Katedraleko’ zelaia, eta Michael Laudrup daniarrak txalo-zaparrada jaso zuen, Real Madrilek 0-5 irabazi ondoren.
Rafa Gordillok eta Juanitok euren azkeneko norgehiagoka Real Madrilekin San Mamesn jokatu zuten, eta zale zuri-gorriek agur polita eman zieten. Gordillok zelaia txalo artean utzi zuen, nahiz eta merengeek 1-4 irabazi. Almendralejokoak egun hura ondo oroitzen duela adierazi du behin baino gehiagotan: “San Mames esker oneko estadioa da”.
Euskal jokalariak ondo hartu ditu 'Katedralak' orokorrean, baina Athleticeko zale askok Gaizka Mendietak 1998an Valentziarekin jasotako txalo.zaparrada gogoratuko dute. Mendietak San Mames “berezia” dela, erantzun zuen, partida bukatu ostean.
Beste kasu ikusgarri bat 'Kuko' Zigandaren itzulera izan zen. Gaur egungo Bilbao Athleticeko entrenatzailea Osasunarekin bueltatu zen San Mamesera, eta Zigandak jasotako txaloak eta animoak zirela eta, hankek ez ziotela erantzuten adierazi zuen.
Zure interesekoa izan daiteke
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.