Athleticek eskura izan du garaipena baina berdinketa baino ez du lortu
Athleticek Deportivoren bolada onari amaiera eman dio (galiziarrek jokatutako azken lau partidak irabaztetik zetozen) eta puntu bat atera du Riazorren. Hala ere, zurigorriek esku-eskura izan dute garaipena, baina ez dituzte izandako aukerak aprobetxatu.
Deportivoren gola Bruno Gama portugaldarrak sartu du lehen zatian, gol ederra; eta atsedenaldiaren atarian, Llorentek banakoa jarri du markagailuan. Aurrelari errioxarrak zazpi hilabete zeramatzan ligan golik egin gabe.
Athleticek kontrolpean izan du ia partida osoa, azken bederatzi minutuak izan ezik, Iturrasperen kaleratzeak hamar jokalarirekin utzi dituelako.
Athletic gogotsu atera da Riazorreko berdegunera, Sevillaren eta Real Madrilen aurkako partidak galdu ostean. Fisikoki galiziarrak baino gehiago dira bilbotarrak eta horrek abantaila eman die.
Lehen zatia, zurigorriek Deportivo bere zelaian sartu dute eta jaun eta jabe izan dira Bruno Gamak gol izugarri polita egin duen arte. Portugaldarrak ederki kokatu du baloia sareetan, maisuki, efektu berezia emanda.
Zazpi minutu geratzen ziren atsedenaldira iristeko eta harmailetan markagailuko aldea ospatzen zeuden Llorentek galiziarren atzelariei aurrea hartu eta buruz gola egin duenean. Erdiraketa Iraolak egin du.
Bigarren zatian Athleticek ez du jokoaren kontrola galdu Iturraspek bigarren txartel horia ikusi duen arte. Zurigorriak hamar jokalarirekin geratu dira eta orduan Deportivo gehiago izan da, baina ez du gola egitea lortu.
Bukaeran 1 eta 1, puntu banaketa Riazorren.
Fitxa teknikoa:
1 – Coruñako Deportivo: Aranzubia; Manuel Pablo, Kaká, Aythami, Sílvio; Álex Bergantiños, Juan Domínguez; Bruno Gama, Valeróo (Assunçao, 71 min.), Pizzi; eta Riki (Nelson Oliveira, 87. min).
1 - Athletic: Iraizoz; Iraola, Ekiza, Gurpegui, Aurtenetxe; De Marcos, Iturraspe, Herrera; Susaeta, Llorente (Aduriz, 76. min, San Jose, 88. min) eta Muniain (Ibai, 76. min).
Golak: 1-0, 38. min: Bruno Gama. 1-1, 44. min: Llorente.
Zure interesekoa izan daiteke
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.