Zigor handiegia Athleticentzat (2-1)
Athletic Clubek porrota jaso du Olinpique Lyonen aurka (2-1), Europa Ligako multzoen faseko hirugarren jardunaldiko partidan. Bilbotarrek aurkariek baino hobeto jokatu dute, baina ez dira sortutako gol aukerak aprobetxatzeko gai izan eta esku hutsik itzuliko dira.
Sentsazio onak berreskuratu ditu Marcelo Bielsaren taldeak lehen zatian. Joko ona eskaini du Athleticek hasieratik, lasai eta gogoekin. Atzean sendo eta aurrean arriskuko jokaldiak sortzea izan dute helburu zuri-gorriek. Aurreneko abagunea Aritz Adurizentzat izan da, baina donostiarrak ezin izan du Herreraren pasea ondo kontrolatu (7. minutua).
Adurizena izan da ere lehen zatiko gol aukera garbiena. 25. minutuan, arean sartu da aurrelaria, erdira jaurti du eta kornerrera bidali du Vercoutre atezainak. Atsedenaldira heldu aurretik markagailua estreinatzeko aukera izan du Lyoneko Malbranquek. Gorkak arriskua urrundu du, eta atsedenaldian 0-0ekoa zen markagailua.
Bigarren zatian ere indartsu zelairatu da Athletic, baina gola gehien merezi zuen unean sartu du gola Lyonek. Lisandrok gol ederra sartu du buruz, 53. minutuan. Baina golak ez du Athletic kikildu, eta jarraian neurketa berdintzeko gol aukera izan du lehenengo Adurizek eta Susaetak ondoren.
Bielsak Fernando Llorente eta Ibai Gomez zelairatu ditu Aritz Aduriz eta Iker Muniain jokalarien ordez, hurrenez hurren. 70.ean erremate bikaina egin du Ibai Gomezek ezkerretik, baina errematera ez da inor heldu. Bi minutu geroago, Lyonen bigarrena sartzeko gol aukera izan du Gomisek. Gutxigatik kanpora joan zaio.
Amaierara heltzeko hamar minutaren faltan, berdinketaren gola egin du Ibai Gomezek. Fernando Llorenteren pase baliatu eta gol zoragarria sartu du bilbotarrak. Gomis agertu da berriro ere eta bera izan da Athleticen amesgaiztoa azken minutuetan. Partida erabat erota du, eta Briandek etxekoen bigarrena lortu du 86.ean.
Kostata lortuko dute zuri-gorriek Europa Ligako hurrengo faserako txartela, eta horregatik "finalak" izango dira fasea bukatzeko geratzen diren hiru norgehiagokak.
Fitxa teknikoa:
O. Lyon: Vercoutre, Reveillere, Lovren, Kone, Umtiti, Gonalons, Fofana, Malbranque (Lacazette, 65'), Briand, Lisandro Lopez (Gomis, 66') eta Monzon.
Athletic Club: Iraizoz, Iraola, Gurpegi, Amorebieta, Aurtenetxe, Iturraspe, Muniain (Ibai Gomez, 66'), Ander Herrera, Susaeta, De Marcos eta Aduriz (Llorente, 60').
Golak:
1 - 0, 54', Lisando Lopez.
1 - 1, 79', Ibai Gomez.
2 - 1, 86', Briand.
Horrelakoa izan da partida eitb.com-en
Zure interesekoa izan daiteke
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.