Sevillaren aurkako berdinketak ez du Alaves jaitsiera postuetatik atera (1-1)
Alavesek bana egin du Sanchez Pizjuanen Joaquin Caparrosen Sevillaren aurka EA Sports Ligako 32. jardunaldian jokatutako partidan. Arabarrak andaluziarrak baino gehiago izan dira, baina puntu bakarrarekin konformatu behar izan dute. Pequek egin du etxekoen gola eta Kike Garciak, aldiz, arabarrena.
Neurketa oso bizi hasi da eta lehenengo aukera argia arabarrek izan dute 5. Minutuan. Tenagliak egindako erdiraketa Guridik errematatu du, gurutzatuegia, eta baloia kanpora atera da, gutxigatik, zutoina laztanduz.
Baina 12. minutuan, Joaquin Caparrosen taldeak egin du gola. Nyland atezainak luze atera du bere taldearen kontraerasoa hasiz, eta Agoumeren erdiraketa Pequek errematatu du, buruz, baloia gasteiztarren atean sartzeko (1-0).
Etxekoan golak neurketaren erritmoa mantsotu du. Coudeten taldea presioa aurrean egiten saiatu da, baina horrek zenbait arazo sortu dizkio atzeko lerroan. 43. minutuan, Isaac Romerok bigarrena egiteko aukera argia izan du Lukebakiok ateratako korner batean, baina Sevillako jokalariak ez du errematean asmatu.
Eta 47.ean, lehen zatia amaitzear, Alavesen gola iritsi da. Kike Garciak egin du, Carlos Vicentek egindako erdiraketa aprobetxatuz (1-1).
Atsedenaldiaren ostean, Alaves garaipenaren bila atera da eta andaluziarrak bere zelaian sartu ditu.
71. minutuan, gasteiztarrek aukera izan dute bigarrena egiteko Conechnyk urrutitik egindako jaurtiketa gogor baten bidez, baina Nyandek ondo harrapatu du baloia.
Azken aukerak
Ondorengo minutuetan, joan-etorriko partida jokatu dute bi taldeek, arriskua bi areatan sortuz. Horrela, Carlos Martinezek oso gertu izan du gola 80. Minutuan baina bere jaurtiketa gora joan zaio, eta hurrengo jokaldian, Siverak geldiketa ikusgarria egin du Lukebakioren gola saihesteko.
94. minutuan, Susok aukera oso argia izan du Sevillarentzat oztoporik gabe egindako jaurtiketa batean, baina errematea gora joan zaio.
Azkenean, puntu bana Sevilla eta Alavesentzat. Arabarrek jaitsiera postuetan amaitu dute jardunaldia.
Fitxa teknikoa:
1 - Sevilla: Nyland; Carmona (Juanlu, 81. min), Bade, Ramon Martinez, Pedrosa; Lukebakio, Gudelj, Agoume (Sow, 59. min), Ejuke (Saul Ñiguez, 46. min); Peque (Manu Bueno, 81. min) eta Isaac Romero (Suso, 59. min).
1 - Alaves: Sivera; Tenaglia, Garces, Sedlar, Diarra; Blanco, Jordan (Guevara, 77. min); Carlos Vicente, Aleña (Conechny, 69. min), Guridi (Carlos Martin, 69. min); eta Kike Garcia.
Golak: 1-0, 12. min: Peque. 1-1, 47+ . min: Kike Garcia.
Epailea: Miguel Angel Ortiz Arias (Madrilgo batzordekoa). Txartel horia atera die Sevillako Gudelj (10. min) eta Suso (94. min) jokalariei, eta Alaveseko Guridi (42. min) eta Diarra (86. min) jokalariei.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.