Metropolitano hiru partidarako partzialki ixtea agindu dute; Atletico Madril-Alaves partidari eragin liezaioke
Espainako Futbol Federazioaren Diziplina Batzordeak Atletico Madril zigortu du, eta agindu du Metropolitano futbol zelaia hiru partidarako partzialki ixtea, igandean jokatutako Atletico Madril-Real Madril norgehiagokan izandako istiluengatik. Itxierak 2024-25 denboraldiko EA Sports Ligako 14. jardunaldian jokatuko duten Atletico Madril-Alaves partidari eragin liezaioke (azaroaren 23an edo 24an izango da neurketa hori); izan ere, zigorra indarrean egongo litzatekeen hirugarren eta azken partidan bisitatuko luke Gasteizko taldeak Madrilgo estadioa. Nolanahi ere, Madrilgo klubak helegitea aurkeztu ahal du Apelazio Batzordean, eta Kirol Arbitrajeko Auzitegira ere jo lezake.
Thibaut Courtois Real Madrilen atezainari hainbat objektu bota zizkioten Metropolitanoko harmailako gune batetik, eta horixe da, hain zuzen ere, itxiko duten gunea, Espainiako Federazioak iragarri duenez; Batzordeak, halaber, 45.000 euroko isuna ezarri dio Atletico Madrili, "arau-hauste oso larriengatik".
"Klubeko zale guztiak kontuan izanik, objektuak jaurti zituzten zaleen kopurua ez da batere esanguratsua; hala ere, Atletico Madrilek ez zuen neurri egokirik hartu, ez ekintzan ezta bukatutakoan ere, edo, gutxienez, erabakitako neurriak ez ziren onenak izan, lehia handia duen partida batean, eta munduko ligarik garrantzitsuenetako Lehen Mailako neurketa batean", dio Batzordeak, ebazpenean.
2023-24 denboraldian, Atletico Madrilek lortu zuen Metropolitano partzialki ez ixtea, Apelazio Batzordeari helegiteak jarrita; hasiera batean, zigorra jaso zuen, Athleticeko Nico Williams jokalariari oihu arrazista bat bota ziotelako.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.