Alavesek nagusitasunez mendean hartu du Las Palmas (2-0)
Alavesek 2-0 irabazi dio Union Deportiva Las Palmasi, Mendizorrotzan, 2024-25 denboraldiko EA Sports Ligako 4. jardunaldiko partidan.
Carlos Vicentek eta Toni Martinezek egindako golei esker, Gasteizko taldea bi asteko geldialdira zazpi punturekin joango da, taulako laugarren tokia eskuratuz. Babazorroen abantaila are handiagoa izan zitekeen, baina Conechnyren gol batek ez du balio izan jokoz kanpo egoteagatik, eta Luka Romerok penalti bat huts egin du azken unean.
Norgehiagokako lehen minutuetan, Luis Carrionen taldeak eroso jokatu du, eta Alaves zelaiko lehen hiru laurdenetan zain egon da.
Babazorroen lehen hurbilketan, 6. minutuan, Carlos Vicentek egin du etxekoen lehen gola. Stoichkovek ezkerretik erdiraketa bikaina egin ondoren, Carlos Vicente atzetik heldu da, eta area barruan errematea egin du sarera bidaltzeko.
Las Palmasek jasotako golari erantzun nahi izan dio, eta Jaime Matak aukera bikaina izan du norgehiagoka ia berehala berdintzeko. Luze jo duen baloi baten ostean, Matak baloia atera jaurti du, baina Antonio Sivera atezainak baloia sare barrura sartzea eragotzi du.
Etxeko taldeak abantaila handitzeko aukera izan du, baina Conechnyk atsedenaldiaren atarian egindako gola baliogabetu du epaileak, izan ere, Alaveseko jokalaria jokoz kanpo zegoela erabaki du VARek.
Behin bigarren zatia hasita, 52. minutuan, Stoickovek aukera paregabea izan du. Alaveseko erdilariak bira eman du zuloa egiteko eta area erditik jaurtiketa egiteko, baina bere ezkerkada atetik gertu joan da.
Partidak aurrera egin ahala, Alavesek protagonismo handiagoa beraganatu du. Hala ere, Moleiro norgehiagoka berdintzear egon da bakarkako jokaldi batekin, baina Sivera atezainak egindako geldiketa bikainak eragotzi du bigarrenez baloia sareetara sartzea.
78. minutuan, Toni Martinezek, Mendizorrotzako idolo berriak, partida erabakita utzi du jardunaldiko goletako batekin. Iritsi berriak Cillessen gainditu du area kanpotik, eta baloia eskuadratik sartu du.
Azken txanpan, Luka Romerok penalti puntutik gola sartzeko parada izan du, baina argentinarrak kanpora jaurti du baloia.
Fitxa teknikoa
,2 - Alaves: Sivera; Tenaglia, Abqar, Sedlar, Sanchez; Blanco, Guridi (Romero, 82. min); Vicente (Novoa, 82.min), Conechny (Carlos Martin, 64. min), Stoichkov (Guevara, 69. min); eta Kike Garcia (Toni Martinez, 64. min).
0 - Las Palmas: Cillessen; Viti (Marvin, 58. min), Alex Suarez, McKenna, Mika Marmol; Javi Muñoz, Campaña (Loiodice, 64. mn), Kirian (Cardona, 77. min); Mata (Sandro, 58. min), McBurnie y Fuster (Moleiro, 46. min).
Epailea: García Verdura. Txartel horia atera die Guridi (32. min), Conechny (45. min) eta Abqar (83. min) jokalariei.
Golak: 1-0, 8. min: Vicente. 2-0, 78. min: Toni Martinez.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.