Alavesek garaipenarekin agurtu du denboraldia etxean (1-0)
Alaves Getaferi gailendu zaio Mendizorrotzan, EA Sports Ligako 37. jardunaldia abiatu duen partidan (1-0).
Lehen zatia gorabeheratsua izan da, zakarra zenbait tartean. Lehen Mailan jarraitzea ziurtatuta, babazorroek helburu argia zuten buruan: denboraldiari agur gozoa ematea Mendizorrotzan, 10. garaipena lortuta.
Neurketako gol bakarra partidako 12. minutuan iritsi da. Carlos Vicentek egin du, eta Figueroa Vazquez epaileak hasiera batean baliorik gabe utzi duen arren, markagailura igo da azkenean, VARetik jokalariaren posizioa arauzkoa zela baieztatu ostean.
18. minutuan, epaileak neurketa eten du, harmailetan pankarta arrazista bat agertu baita Greenwood Getafeko jokalariaren aurka.
27.ean, Alaves bigarren gola sartzear izan da, baina Kike Garciaren erremateak langa jo du, jokalaria ate aurrean bakar-bakarrik zegoenean.
Atsedenalditik bueltan, Nabilek falta egin dio area barruan Samu Omorodioni, kamisetatik eutsita, baina epaileak ez du penaltirik adierazi.
68. minutuan, gola egiteko beste aukera bat izan du etxeko taldeak. Carlos Vicentek kornerra atera du, eta gol olinpikoa sartzeko zorian egon da, baina Soria atezainak eskua sartu du azken momentuan, eta baloia desbideratu du.
Greenwooden aukera
Greenwoodek aukera izan du 84. minutuan Getaferen gola egiteko, jokaldi pertsonala eginda, baina errematea gora joan zaio. Partidak ez du gehiago eman, eta Alavesek garaipen batekin esan dio agur denboraldiari etxean. Alaves hamargarren postuan dao Ligako sailkapenean.
Fitxa teknikoa
1- Alaves: Owono; Tenaglia, Abqar, Duarte, Javi López; Benavidez (Guevara, 62. min), Antonio Blanco, Guridi; Carlos Vicente, Simeone eta Kike Garcia (Omorodion, 41. min).
0 - Getafe: David Soria; Carmona (Djene, 41. min), Aberdin, Alvarez, Alderete, Diego Rico (Alberto Risco, 56. min); Luis Milla (Latasa, 41. min), Yellu Santiago (Aleña, 69. min), Maksimovic; Greenwood eta Jaime Mata (Ilaix Moriba, 69. min).
Gola: 1-0, 12. min: Carlos Vicente.
Epailea: Figueroa Vazquez (Andaluziako Batzordekoa). Txartel horia atera die Alaveseko Benavidez, Simeone, Tenaglia eta Antonio Blanco jokalariei, eta Getafeko Carmona, Maksimovic, Diego Rico, Latasa, Aleña eta Ilaix Moriba jokalariei.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.