Alavesek garaipenik gabeko bolada eten du, Rayo Vallecanori 1-0 irabazita
Alavesek irabazi egin dio Rayo Vallecanori, 1-0, Mendizorrotzan jokatutako EA Sports Ligako 28. jardunaldiko partida. Gorosabelek sartu du neurketako gol bakarra. Ondorioz, Arabako taldeak amaiera eman dio garaipenik gabeko boladari, bost norgehiagoka jarraian baitzeramatzan irabazi gabe. Gainera, mailari eusteko lehian aurkari zuzena duen talde bat menderatu du, eta jaitsierako postuetan dauden taldeetatik hamar puntura jarraitzen du.
Lehen ordu laurdena joan-etorrikoa izan da, baina abagunerik gabekoa. Gero, Rayo izan da baloiaren jabe, eta Gasteizko taldea Samu Omorodionen abiadura baliatu nahian ibili da. Carlos Vicentek izan du gola sartzeko lehen aukera, baina ez da jokaldia amaitzeko gai izan.
Norgehiagokako 39. minutuan, jokoa eten da, ikusle batek medikuen laguntza behar izan duelako. Arazoa azkar konpondu da, eta epaileak neurketa berrabiarazi du. Orduan eman du Alavesek maila onena, eta gola sartu du 44. minutuan; Gorosabelek bikain loratu du baloia, Dimitrievski atezaina gainditu eta Rayok babestutako ate barruan sartzeko (1-0).
Bigarren zatiaren hasieran, Alavesek beste gol bat sartu du, baina epaileak baliogabetu egin du Carlos Vicente jokoz kanpo zegoelako Javi Lopezen pasea jaso duenean. Geroago, Raul De Tomasen gola baliogabetu du epaileak, aurrelaria jokoz kanpo zegoelako taldekide baten pasea jaso duenean.
Bi gol horiek baliogabetu ostean, parekotasuna izan da nagusi. Bi taldeak erasora jotzen saiatu dira, baina ez dira fin ibili aurkariaren ate aurrean. Azkenera arte lanean jarraitu behar izan du Garcia Plazak zuzentzen duen taldeak. Luzapenean, Rayo Vallecanok gola sartzeko aukera ona izan du: Siverak gola saihestu du Falcaoren errematea desbideratuta, eta aldaratzean kolonbiarraren erremateak langa jo du. Azkenean, baina, Alaves garaile (1-0).
Fitxa teknikoa:
1 - Alaves: Sivera; Gorosabel (Tenaglia, 84. min), Abqar, Rafa Marin, Lopez; Guevara, Blanco, Guridi (Benavidez, 78. min); Carlos Vicente (Sola, 78. min), Rioja (Abde, 71. min) eta Samu (Kike Garcia, 71. min)
0 - Rayo Vallecano: Dimitrievski; Balliu, Aridane, Lejeune, Espino (Chavarria, 46. min); Pathe Ciss (Falcao, 78. min), Isi, Unai Lopez, De Frutos (Bebe, 86. min); Kike (Miguel Crespo, 63. min) eta Raul de Tomas (Camello, 63. min).
Gola: 1-0: 44. min, Gorosabel.
Epailea: Munuera Montero. Txartel horia atera dio Abqar (28. min) Alaveseko jokalariari, baita Isi (13. min) eta Espino (30. min) Rayo Vallecanoko futbolariei ere.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.