Alavesek 0-0 berdindu du Mallorcaren kontra
Alavesek berdindu egin du Mallorcaren kontra (0-0) igande honetan, abenduaren 3an, Son Moixen jokatutako EA Sports Ligako 15. jardunaldiko neurketan. Hortaz, puntu bat eskuratu du, eta 16 ditu orain.
Alavesek ondo ekin dio neurketari. Arabako taldea baloiaren jabe egin da, baina kosta egin zaio abagune argiak sortzea. Mallorca, berriz, atzean sartu da, kontraerasora irteteko zain. Lehen zatiko gol aukera argiena Gasteizko taldeak izan du, 17. minutuan; Luis Riojaren jaurtiketa, ordea, Rajkovic atezainak gelditu du.
Hurrengo minutuetan ere, bi taldeetako bat ere ez da gai izan aurkariaren atea zulatzeko. Beraz, lehen 45 minutuak golik gabe amaitu dira (0-0).
Bigarren zatiak lehenengoaren antzeko gidoia izan du: erritmoa bizikoa eta gol aukera gutxikoa izan da. Mallorcak norgehiagokan izandako lehen gol aukera argian ez du asmatu Siverak babestutako atearen aurrean. Larin bakarrik geratu da Siveraren aurrean, eta atezainak etxeko taldeko aurrelariaren errematea desbideratu du, eta gola saihestu.
Mallorcak eta Alavesek erasora jo dute azken txanpan, hiru puntuak eskuratzeko asmoz. Hala ere, defentsak nagusitu dira aurrelarien aurkako lehian, eta partida berdinduta amaitu da (0-0).
Fitxa teknikoa:
0- Mallorca: Rajkovic; Gio Gonzalez (Maffeo, 76. min), Valjent, Raíllo, Jaume Costa (Toni Lato, 67. min); Mascarell, Samu Costa (Morlanes, 67. min), Antonio Sanchez (Cyle Larin, 46. min), Darder; Amath (Javi Llabres, 86. min) eta Abdon Prats.
0- Alaves: Sivera; Gorosabel, Abqar, Rafa Marin, Javi Lopez; Guevara (Benavides, 81. min), Antonio Blanco, Guridi (Hagi, 74. min), Rebbach (Sola, 67. min), Luis Rioja (Duarte, 74. min); eta Samu (Kike, 83. min).
Epailea: Javier Figueroa Vazquez. Txartel horia atera die Antonio Sanchez (24. min), Amath (35. min), Samu Costa (48. min) eta Morlanes (97. min) etxeko jokalariei, eta Ander Guevara (27. min) eta Gorosabel (72. min) bisitariei.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.