Alaves eta Eibar igoerako play-offean neurtuko dira, gasteiztarrek Las Palmasen aurka berdindu ondoren
Alavesek berdinketa baino ezin izan du lortu Las Palmasen aurka (0-0) SmartBank Ligako fase erregularreko azken jardunaldian, eta igoerako play-offa jokatu beharko du Lehen Mailara igotzen saiatzeko. Lehen kanporaketa Eibarren aurka jokatuko du.
Las Palmas - Alaves partidako laburpena
Las Palmasek eta Alavesek zuzenean Lehen Mailara igotzeko aukera zuten jokoan, igoerako play-offa jokatu behar izan gabe. Beraz, tentsio handiko partida lehiatua espero zen.
Norgehiagoka erritmo biziarekin hasi da bi aldeetatik, arriskua sor zezakeen jokaldi bakoitza mozten zuen kontaktuko futbolarekin. Bi taldeetako batek ere ez du gol bat jasotzera arriskatu nahi izan, eta horregatik gehiago zentratu dira bere atea defendatzen.
Horren emaitza izan da atezainen parte-hartze eskasa. Las Palmas behin baino gehiagotan hurbildu da aurkariaren areara, baina euskal defentsak nahi bezala jokatzea eragotzi die. Gauza bera gertatu da beste eremuan. Villalibre eta Luis Rioja kanariarren defentsa gainditzen saiatu dira, baina saiakera guztiak ezerezean geratu dira.
Bien defentsako lana hain sendoa izanda, 23. minutura arte ez da atera jaurtiketarik egin. Sandrok izan du lehen abagunea abiaduran ihes egin ostean, baina bere jaurtiketa kanpora joan da ate albotik.
Luis Rioja aurkariaren atezainari baloia lapurtzeko zorian egon da ordu erdira. Alvaro Vallesek denbora gehiegi hartu du pentsatzeko, eta Rioja gainera joan zaio, baina baloia soilik oinaren puntarekin ukitu du aldaratzea desbideratzeko.
Sandrok bere botetan izan du gola lehen zatiko azken minutuetan. Areako aurrealdetik jaurtiketa indartsu bat eginez bilatu du eskuadra, baina kanpora joan zaio berriro.
Bigarren zatian Las Palmasek aurrerapausoa eman du eta arriskua sortzen hasi da. Alaves garesti ordaintzeko zorian egon da bere areatik gertu izan duen galera Jonathan Vierak jaso duenean misil bat jaurtitzeko, baina kanpora joan da berriz oso gutxigatik.
Villalibrek izan du partidako aukerarik argiena 63. minutuan. Aurrelariak korrika egin du zulora bidalitako baloi batera iristeko eta atezainaren aurrean jarri da. Atezainak, baina, ondo itxi du markagailua ireki zezakeen jaurtiketa.
Etxekoek sustoa eman diete berriro gasteiztarrei Sandroren jokaldi bikain batekin, baina ezerezean geratu da Siveraren erantzun azkarrari esker.
Alaves amaierara arte saiatu da, aurkariaren arearako erdiraketen bidez golaren bila. Baina ezin izan da, eta gasteiztarrek igoerako play-offa jokatu beharko dute Eibarren aurka.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.