Alavesek burumakur jarraitzen du eta laugarren porrota jarraian jaso du
Alavesek porrot mingarria jaso du Malagaren aurka (1-0), LaLiga SmartBankeko 21. Jardunaldian, bolada txarrari jarraipena eman dio laugarren porrotarekin jarraian.
Lehen minutu parekatuen ondoren, talde gasteiztarrak, hegaletatik oso azkar eta zelai erdian presio handia eginez, arazoetan jarri du Malagako defentsa.
Alavesek nagusitasuna izan du, baina aukerarik argiena Malagarentzat izan da, Febas, Ruben Castro eta Chavarriaren arteko jokaldi batekin, lehen gola izan zitekeena.
Bigarren zatia Alaves erasokor batekin hasi da, nahiz eta oraingoan Malagak sendo defendatu duen.
Hegaletik iritsi da norgehiagokako gol bakarra, Villalbak egindako erdiraketa baten ondoren. Chavarriak buruz jo du, defendatzaileari aurrea hartuz gola sartzeko.
Alaves, aldaketa sakonenekin, berdinketaren bila joan da, baina ordenarik gabeko jokoarekin eta asmatu ezinean.
Partida amaierara iritsi da Alaves Malagako arean murgilduta zegoela eta etxeko taldeak aldeko emaitzaren altxorra defendatzen zuelarik.
Azkenean, Malagak garaipena lortu du eta gasteiztarrak porrotera kondenatu ditu.
Fitxa teknikoa
1 - Malaga: Ruben Yáñez; Ramalho, Esteban Burgos, Escassi, Javi Jimenez; Chavarria (Loren, 76. min), Genaro, Jozabed (Juande, 87. min), Febas; Fran Villalba eta Ruben Castro (Issa Fomba, 69. min).
0 - Alaves: Sivera; Tenaglia (Duarte, 65. min), Abqar, Sedlar (Jason, 65. min), Javi Lopez; Alkain, Benavidez, Toni Moya (Salva Sevilla, 69. min), Rebbach (Luis Rioja, 65. min); Guridi, Miguel De la Fuente.
Gola: 1-0, 51. min: Chavarria.
Epailea: Trujillo Suarez. Txartel horia atera die Malagako Esteban Burgos eta Loren jokalariei eta gorria Pepe Mel entrenatzaileari. txartel horia atera die Alaveseko Sedlar, Toni Moya eta Benavidez jokalariei eta Luis Garcia entrenatzaileai.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.