Alavesek bigarren garaipena jarraian lortu du, Vila-real mendean hartuta
Alavesek garaipena lortu du Vila-realen aurka (2-1) jokatu duen Santander Ligako 31. jardunaldiko partidan eta bigarren neurketa jarraian irabazi du. Arabako taldeak jatsiera postuetatik at amaituko du jardunaldia.
Norgehiagokaren hasieran Vila-real izan da baloiaren jabe eta erasora jotzeko ideiarekin zelairatu da Unai Emeryk zuzentzen duen taldea, baina Alavesek ondo eutsi dio. Partidako 17. minutuan Joselu Matok gola sartu du (1-0) etxeko taldearentzat Jota Peleteiroren pasea jasota.
Golaren ostean, berriro Vila-real izan da erasora jo duena, eta abagune argi bat izan du 29. minutuan; Fernando Pacheco atezainak, ordea, gola saihestu du Paco Alcacerren jaurtiketari erantzun bikaina emanda. Castelloko taldea hegaletik arriskua sortzen saiatu da Alfonso Pedrazaren bidez, baina talde gasteiztarrak lan ona egin de defentsan.
Bigarren zatiaren hasieran, 50. minutuan, Paco Alcacerrek banakoa (1-1) jarri du markagailuan Gerard Morenoren pasea jaso eta errematea sare barrura bidalita. Golak konfiantza eman dio Vila-reali eta Alaves atzean sartu du. Asko kosta zaio abaguneak sortzea Javi Callejak zuzentzen duen taldeari. Etxeko taldeak penaltia eskatu du 68. minutuan, baina epaileak ez du ezer adierazi.
Azken txanparako Pere Pons zelairatu du Callejak, eta erdilariaren sarrerak mesede egin dio Alavesi, baloia gehiago izan eta neurketaren erritmoa moteldu egin baita. Amaierarako hamar minutu falta zirenean, Joselu hegaletik erdiratu, eta Edgar Mendezek 2-1ekoa sartu du.
Norgehiagokako amaierako minutuetan Vila-real saiatu da berdinketa lortzen, ez du lortu, eta hiru puntuak Alavesek eskuratu ditu.
Fitxa teknikoa:
2 - Alaves: Pacheco; Ximo Navarro, Laguardia, Lejeune, Martín Aguirregabiria; Rioja (Pere Pons, 58. min), Battaglia, Pina, Jota Peleteiro (Pellistri, 79. min); Lucas Perez (Edgar Mendez, 58. min) eta Joselu (Deyverson, 90. min).
1 - Vila-real: Rulli; Mario (Peña, 84. min), Albiol, Funes Mori, Pedraza; Chukwueze, Capoue (Fer Niño, 84. min), Parejo, Trigueros; Gerard Moreno eta Alcacer (Yeremy, 84. min).
Golak: 1-0, 17. min: Joselu. 1-1, 50. min: Alcacer. 2-1, 80. min: Edgar.
Epailea: Adrian Cordero Vega. Txartel horiak atera dizkie Manu Garcia (68. min) eta Edgar Mendez (74. min) Alaveseko jokalariei.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.