Urrezko hiru puntu lortu ditu Alavesek, Huescaren aurka (1-0)
Rodrigo Battaglia argentinarrak egindako golak garaipen garrantzitsua eman dio Alavesi (1-0) arabarrak bezala Bigarren Mailara ez jaisteko lehian dagoen Huescaren aurka.
Norgehiagoka nahiko orekatua izan da eta hustean amaituko zela ematen zuenean, Battagliak defentsaren aldaratze bat aprobetxatu du jaurtiketa gogor baten bidez 1 eta 0ekoa egiteko, partidako 85. minutuan.
Luzapenean, Huesca gola lortzen saiatu da, eta aukerak izan ditu, baina baloia ez da Pachecoren atean sartu.
Javier Callejarekin lortutako lehen garaipen honekin, Alavesek otsailaren 5etik zuen bolada txarrari amaiera eman dio eta jaitsiera postuetatik ateratzea lortu du. Hala ere, gasteiztarrak Huescarekin eta Valladolidekin puntuetara berdinduta daude, eta Elxek baino puntu bat gehiago dute. Alacanteko taldea galtzaile atera da gaur Osasunaren aurkako partidan.
Fitxa teknikoa
1 - Alaves: Pacheco; Ximo Navarro, Laguardia, Tachi, Duarte (Martín Aguirregabiria, 45.min); Pere Pons (Pellistri, 66.min), Battaglia, Pina Jota Peleteiro (Luis Rioja, 88.min); Lucas Pérez (Guidetti, 83.min), eta Joselu (Deyverson, 83.min).
0 - Huesca: Andrés Fernandez; Insua, Pulido, Vavro (Borja García, 85.min); Pedro López, Ferreiro (Escriche, 76.min), Mosquera (Doumbia, 76.min), Seoane (Mikel Rico, 76.min), Javi Galán; Rafa Mir, eta Sandro (Sergio Gómez, 67.min).
Golak: 1-0, 85.min: Battaglia.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.