Abelardok ez du Alaves entrenatzen jarraituko
Abelardo Fernandezek Alavesen entrenatzaile izateari utzi dio astelehen honetan, taldea Santander Ligako azkena denean.
Klub gasteiztarrak jakinarazi duenez, gaurtik aurrera entrenatzaile asturiarrak entitatearekin zuen lotura amaitu da eta bere "konpromiso eta profesionaltasuna" eskertu dio.
Abelardo urtarrilean iritsi zen bigarrenez Alavesera, Pablo Machin ordezkatzeko.
Taldea gidatzen hasi zenetik, babazorroek 5 puntu soilik lortu dituzte hamaika jardunalditan eta bakarra jokoan ziren azken 21etatik.
Abelardo Alavesen laugarren entrenatzailea izan da urte bat baino gutxiagoko epean, Garitano, Muñiz eta Machinen ondoren.
Geroago, Abelardok berak agur esateko gutun bat kaleratu du, taldeak mailari eutsi diezaiola nahi duela azalduz, eta horregatik hartu duela "hain erabaki gogorra".
Esan duenez, ez da "amore ematen duen horietakoa" baina "profesional zintzoa" denez, iritzi dio onena dela "aulkia beste bati uztea".
"Bihotzeko min guztiarekin egiten dut, baina aukera bakarra da", esan du "Pituk". Urtarrilean klubera iritsi zenetik, "zeukan guztia" eman duela gaineratu du, "baita pixka bat gehiago ere", "Alavesek aurrera egin ahal izateko".
Aitortu du ez dela gai izan "Alavesek Lehen Mailan jarrai dezan bidea aurkitzeko", eta ez du "gertatzen ari den guztiaren errudunik" bilatu nahi, horrek "egoera zailtzea" baino ez bailuke ekarriko.
"Norbera konponbidea ez denean, arazoaren parte da, eta hobe da, taldearen norabidea aldatzeko denbora dagoenez, hori egiteko gai den norbait etortzea eta jokalariek helburua lortzea", erantsi du.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.