Bi goleko errenta alferrik galdu du Alavesek (2-2)
Valladoliden ahaleginak saria izan du Mendizorrotzan eta Sergiok entrenatzen duen taldeak puntu bat atera du Alavesen aurkako partidan. Gasteiztarrak 2 eta 0 aurreratu dira Yoel atezainak egindako bi hutsei esker, Ligako 33. jardunaldia hasi duen norgehiagokan.
Partida alde jarri zaie gasteiztarrei 4. minutuan. Yoel baloia urruntzen saiatu da baina baloiak Guidetti jokalarian jo du eta ondoren kanpotarren atean sartu da, bi taldeak oraindik norgehiagoka neurria hartzen ari zirenean.
Gauza askorik egin gabe, Alavesek aldea handitu egin du 20 minutu geroago. Yoel Rodriguezek ez du bere irteera ondo neurtu Jonyk jaurtitako falta batean, era baloia zuzenean barrura sartu da.
38. minutuan, Valladolidek aldea murriztu du, aurretik prestatutako jokaldi batean. Joaquinek errematea lurretik egin du, taldekide batek falta bat atera ostean, eta baloia Fernando Pachecoren atean sartu du.
Bigarren zatia lasaiagoa izan da lehenengoaren azken minutuekin alderatuta, eta bi taldeek ez dute aukera argirik sortu.
Penaltia Alavesen aurka
Alavesek erritmoa bizitu du eta partida erabakita uzten saiatu da, baina Estrada Fernandez epaileak penaltia adierazi du Rodrigo Elyk Sergi Guardiola area barruan bota duelako. Enes Unal turkiarrak jaurti du zigorra eta 2 eta 1ekoa jarri du markagailuan 76. minutuan.
Azken minutuetan, neurketak ez du jaberik izan, eta bi taldeak erraz iritsi dira aurkariaren areara. Biek baloi bana jaurti dute zutoinera, eta aurretik Pachecok bi geldiketa ikusgarri egin behar izan ditu Valladoliden hirugarrena saihesteko.
Fitxa teknikoa
2 - Alaves: Pacheco; Aguirregabiria, Ely, Maripán, Marín; Inui (Rolán, 59. min), Manu, Tomás Pina, Jony; Guidetti (Wakaso, 74. min) eta Calleri.
2 - Valladolid: Yoel; Antoñito, Olivas, Calero, Nacho; Keko Gortan (Waldo, 20. min), Borja (Míchel, 31. min), Joaquín, Óscar Plano; Guardiola eta Ünal.
Golak: 1-0, 4. min: Guidetti. 2-0, 24. min: Jony. 2-1, 38. min: Joaquín. 2-2, 76. min: Ünal, penaltiz.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.